തിരുവനന്തപുരം: മുതിര്ന്ന പത്രപ്രവര്ത്തകന് കെ ജി പരമേശ്വരന് നായര്(94) അന്തരിച്ചു. തൃക്കണ്ണാപുരത്തെ വസതിയില് ആയിരുന്നു അന്ത്യം.കേരള കൗമുദിയില് 35 വര്ഷം പത്രപ്രവര്ത്തകനായിരുന്നു.
‘കേരള നിയമസഭ ചരിത്രവും ധര്മവും’ ഉള്പ്പെടെ നിരവധി പുസ്തകങ്ങള് രചിച്ചിട്ടുണ്ട്. കെ സി സെബാസ്റ്റ്യന് മെമ്മോറിയല് അവാര്ഡ്, കെ.വിജയരാഘവന് അവാര്ഡ്, കെ.ബാലകൃഷ്ണന് അവാര്ഡ്, പി.സി. സുകുമാരന്നായര് അവാര്ഡ്, മികച്ച നിയമസഭ റിപ്പോര്ട്ടിംഗിനുള്ള ജി.കാര്ത്തികേയന് സ്മാരക അവാര്ഡ്, സ്വദേശാഭിമാനി രാമകൃഷ്ണപിള്ള അവാര്ഡ് എന്നിങ്ങനെ ഒട്ടേറെ പുരസ്കാരങ്ങള് ലഭിച്ചിട്ടുണ്ട്.
ഏറ്റവും കൂടുതല് കാലം നിയമസഭാ റിപ്പോര്ട്ടറായി സേവനമനുഷ്ഠിച്ച വ്യക്തിക്കുള്ള നിയമസഭയുടെ പ്രത്യേക അവാര്ഡും ലഭിച്ചിട്ടുണ്ട്. സംഗീതാധ്യാപികയും ഡബ്ബിംഗ് ആര്ട്ടിസ്റ്റുമായ സുഭദ്രാമ്മയാണ് ഭാര്യ. രാജേശ്വരി (ഹിന്ദുസ്ഥാന് ലാറ്റക്സ്), സുജ (എല്.ഐ.സി ഹൗസിംഗ് ഫിനാന്സ്) എന്നിവരാണ് മക്കള്.
