ആലുവ: ഹൈന്ദവ സമൂഹത്തെ ഏകീകരിക്കാന് ശ്രമിക്കുന്ന എല്ലാ ശക്തികളെയും വര്ഗീയമായി മുദ്രകുത്തി മാറ്റിനിര്ത്താന് ശ്രമിച്ചാണ് പൊളിറ്റിക്കല് ഇസ്ലാമിന്റെ അജണ്ടയിലേക്ക് അവര് സമാജത്തെ നയിക്കുന്നതെന്ന് ഹിന്ദു ഐക്യവേദി മുഖ്യരക്ഷാധികാരി കെ.പി. ശശികല ടീച്ചര്. ഹിന്ദു ഐക്യവേദി എറണാകുളം ജില്ല പ്രതിനിധി സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അവര്.
ആദ്യം സംഘപരിവാര് സംഘടനകളെയാണ് വര്ഗീയമായി മാറ്റിനിര്ത്താന് ശ്രമിച്ചിരുന്നതെങ്കില് ഇപ്പോള് അത് സമുദായ സംഘടനകളിലേക്ക് കൂടി മാറിയിരിക്കുന്നു. എന്എസ്എസ്, എസ്എന്ഡിപി തുടങ്ങി ഹൈന്ദവ സമൂഹത്തിലെ വിവിധ സമുദായങ്ങളെ ശാക്തീകരിക്കാനും നവോത്ഥാനത്തിന് ശക്തി പകരാനും ഏറെ പ്രയത്നിച്ച സംഘടനകളേയും അതിന്റെ നേതാക്കളെയും വളരെ മോശമായി ചിത്രീകരിക്കുന്നു. പൊളിറ്റിക്കല് ഇസ്ലാം ഹൈന്ദവ സമൂഹത്തെ ഒന്നടങ്കം ശത്രുവായി മാറ്റിനിര്ത്താനുള്ള പുറപ്പാടിലാണ്.
അധികാരം അവരുടെ മതഅജണ്ട നടപ്പിലാക്കാനുള്ള അവസരമാക്കി മറ്റു സമുദായങ്ങളെ ബുദ്ധിമുട്ടിക്കാനാണ് പുറപ്പാടെങ്കില് അത് അംഗീകരിക്കാന് പറ്റില്ലെന്നും ശശികല
ടീച്ചര് പറഞ്ഞു.
ആലുവ മണപ്പുറത്തിനടുത്തുള്ള ബ്രാഹ്മണ സമാജം ഹാളില് നടന്ന പരിപാടിയില് ജില്ലാ പ്രസിഡന്റ് പി.സി. ബാബു പതാക ഉയര്ത്തി. സമ്മേളനത്തില് ജില്ലാ പ്രസിഡന്റ് അധ്യക്ഷനായി. സംസ്ഥാനപ്രസിഡന്റ് ആര്.വി. ബാബു സമാപന സന്ദേശം നല്കി.
2026-27ലേക്കുള്ള താലൂക്ക് ഭാരവാഹികളെ സംസ്ഥാന സെക്രട്ടറി എം.സി.സാബു ശാന്തി പ്രഖ്യാപിച്ചു. ജില്ലാ ഭാരവാഹികളായി പി.സി. ബാബു(പ്രസിഡന്റ്), ആ.ഭാ. ബിജു (ജനറല് സെക്രട്ടറി), കെ.എസ്. ശിവദാസ്(സംഘടനാ സെക്രട്ടറി), കെ.പി.സുരേഷ്(ട്രഷറര്), ഉണ്ണികൃഷ്ണന് മാടവന, പി.എസ്. വേണുഗോപാല്(വൈസ് പ്രസിഡന്റുമാര്), ടി. ദിനേശ്,
സി.പി. അപ്പു, പ്രകാശന് തുണ്ടത്തുംകടവ്, എം.എല്. സുരേഷ്, ബിജീഷ് ശ്രീധര് (സെക്രട്ടറിമാര്), ടി.പി. പത്മനാഭന് (സമിതിഅംഗം) എന്നിവരെ സംസ്ഥാന അധ്യക്ഷന് ആര്.വി. ബാു പ്രഖ്യാപിച്ചു.
സംസ്ഥാന ഭാരവാഹികളായ ക്യാപ്റ്റന് കെ. സുന്ദരന്, കെ.വി. ശിവന്, അഡ്വ. പി.കെ. ചന്ദ്രശേഖരന്, മഹിളാ ഐക്യവേദി സംസ്ഥാന ഭാരവാഹികളായ പ്രൊഫ. ദേവകി, യമുനാ വത്സന് എന്നിവര് നേതൃത്വം നല്കി.
