മലപ്പുറം : മുഖ്യമന്ത്രിയെ പ്രഖ്യാപിക്കാന് വൈകുന്നതില് മുസ്ലീം ലീഗില് കടുത്ത അതൃപ്തി.
വോട്ടര്മാരോട് മറുപടി പറയാന് കഴിയുന്നില്ലെന്ന് നേതാക്കള് പറയുന്നു.
എംഎല്എമാരുടെ വിജയാഹ്ളാദ പ്രകടനം പോലും നടത്താന് പറ്റുന്നില്ല. നാലാള് കൂടുന്നിടത്ത് പോകാന് പറ്റാത്ത അവസ്ഥയാണെന്ന് നേതാക്കള് പറഞ്ഞു.
യുഡിഎഫ് സര്ക്കാര് അധികാരത്തില് വന്നതിന് ശേഷം ഒരുപാട് കാര്യങ്ങള് ചെയ്തെടുക്കാന് ഉണ്ട്. ജനങ്ങള് നല്കിയ വിജയം മറന്ന് പ്രവര്ത്തിച്ചുകൂടാ. ഇത്രയും വലിയ വിജയം വേണ്ടായിരുന്നു എന്ന് വരെ ജനങ്ങള് ചിന്തിച്ചു തുടങ്ങി. ഇനി ആഘോഷം ഒന്നും വേണ്ട എന്ന നിലപാടിലാണ് വോട്ടര്മാരെന്ന് ലീഗ് നേതാക്കള് പറയുന്നു.
കോണ്ഗ്രസ് നേതാക്കളുടെ പരസ്യ പ്രസ്താവനകള് യുഡിഎഫ് പ്രവര്ത്തകരുടെ മനോവീര്യം തകര്ക്കുന്നതാണ്.ഇത്തരം നടപടികളിലേക്ക് കോണ്ഗ്രസ് പോകരുതായിരുന്നു. കോണ്ഗ്രസിന്റെ ദേശീയതല നേതാക്കളാണ് ഇത്തരം ചര്ച്ചകള് നടത്തുന്നത്.
ഹൈക്കമാന്ഡ് തീരുമാനം എന്തായാലും മുസ്ലീം ലീഗ് അംഗീകരിക്കുമെന്ന് പി അബ്ദുല് ഹമീദ് എംഎല്എ പറഞ്ഞു. ഉപ മുഖ്യമന്ത്രി സ്ഥാനം കോണ്ഗ്രസ് ലീഗിന് കണ്ടറിഞ്ഞു നല്കും. പദവി അങ്ങോട്ട് പോയി ആവശ്യപ്പെടില്ല. കോണ്ഗ്രസുമായുള്ളത് ഏറെ കാലത്തെ ബന്ധമാണ്.
