കൊല്ലം: മുഖ്യമന്ത്രി പദവി സംബന്ധിച്ച് യുഡിഎഫിലെ ചര്ച്ചയെ പരിഹസിച്ച് കെ.ബി. ഗണേഷ്കുമാര്. മുഖ്യമന്ത്രി കസേരയല്ല, ഒരു ബഞ്ചിടേണ്ടി വരും. മന്ത്രി ചര്ച്ചയും പ്രൈവറ്റ് സെക്രട്ടറി ചര്ച്ചയും തുടങ്ങിക്കഴിഞ്ഞെന്നും ഗണേഷ്കുമാര് പരിഹാസമുയര്ത്തി.
പത്തനാപുരത്ത് കഴിഞ്ഞ തവണത്തേക്കാള് ഭൂരിപക്ഷത്തില് താന് ജയിക്കുമെന്നും ഗണേഷ്കുമാര് റഞ്ഞു. യുഡിഎഫില് മുഖ്യമന്ത്രിക്ക് കസേരയല്ല, ഒരു ബഞ്ചിടേണ്ടി വരും. അഞ്ച് മുതല് ആറ് പേര് വരെ ഉണ്ട്. മൂന്ന് പേര് രംഗത്തുണ്ട്.
മുഖ്യമന്ത്രി ചര്ച്ച കൂടാതെ മന്ത്രി ചര്ച്ചയും പ്രൈവറ്റ് സെക്രട്ടറി ചര്ച്ചയും തുടങ്ങി കഴിഞ്ഞു. ഒരു മാസം സമയം പോയത് അറിഞ്ഞില്ല. ടെലിവിഷനില് നല്ല കണ്ടന്റ് കിട്ടുകയാണ് ചെയ്തതെന്നും ഗണേഷ്കുമാര് പറഞ്ഞു.
പത്തനാപുരത്തെ ജനങ്ങള് തന്നെ ചേര്ത്തു നിര്ത്തും. സംസ്ഥാനത്ത് തുടര് ഭരണം ഉണ്ടാകും. നേരിയ ഭൂരിപക്ഷത്തിലാണെങ്കിലും അധികാരത്തില് വരുമെന്നും ഗണേഷ്കുമാര് പറഞ്ഞു.
