കൊല്ക്കത്ത: ഒന്നാം ഘട്ട തെരഞ്ഞെടുപ്പില് ഉയര്ന്ന പോളിങ് രേഖപ്പെടുത്തിയതിനേത്തുടര്ന്ന് തോല്വി ഭയന്ന തൃണമൂല് കോണ്ഗ്രസ് സംസ്ഥാനത്ത് വ്യാപക അക്രമം അഴിച്ചു വിടുന്നു.
രണ്ടാം ഘട്ട തെരഞ്ഞെടുപ്പിന്റെ പരസ്യപ്രചരണം ഇന്ന് അവസാനിക്കാനിരിക്കേയാണ് മുഖ്യമന്ത്രി മമതാ ബാനര്ജിയുടെ മൗനാനുവാദത്തോടെ തൃണമൂല് പ്രവര്ത്തകര് അക്രമം അഴിച്ചു വിടുന്നത്. ഹൗറയിലും ഭവാനിപ്പൂരിലും മുര്ഷിദാബാദിലുമാണ് അക്രമസംഭവങ്ങള് ഏറെയും റിപ്പോര്ട്ട് ചെയ്തത്.
കഴിഞ്ഞ ദിവസം വിവിധ ഇടങ്ങളില് ബിജെപിയുടെ റോഡ് ഷോകള്ക്കു നേരെ തൃണമൂലൂകാരുടെ ആക്രമണം ഉണ്ടായി. നിരവധി ബിജെപി പ്രവര്ത്തകര്ക്കാണ് കല്ലേറിലും മറ്റും പരിക്കേറ്റത്. തുടര്ന്നുണ്ടായ സംഘര്ഷത്തില് ഇരു വിഭാഗങ്ങളിലുമുള്ള പ്രവര്ത്തകര്ക്ക് പരിക്കേറ്റു.
