തിരുവനന്തപുരം: കിഴക്കേക്കോട്ടയിലെ ബാറില് നിന്നും ബൈക്ക് മോഷ്ടിച്ച സംഭവത്തില് ഒരാള് കൂടി പിടിയിലായി. ആലപ്പുഴ തുമ്പോളി സ്വദേശി നിതിന് നിസാര് (21) ആണ് പിടിയിലായത്. ഫെബ്രുവരിയില് ആയിരുന്നു കേസിന് ആധാരമായ സംഭവം.
ഈ കേസില് നേരത്തെ മൂന്ന് പേര് പിടിയിലായിരുന്നു. പാല്കുളങ്ങര സ്വദേശി ഉണ്ണി (24), കോട്ടയം വൈക്കം സ്വദേശി ജിനു ബേബി (28), ആലപ്പുഴ സ്വദേശി വിനീത് കെ.വി. (19) എന്നിവരാണ് നേരത്തെ പിടിയിലായത്.ഇവര് റിമാന്ഡിലാണ്. മോഷണം പോയ ബൈക്ക് നേരത്തെ തന്നെ പൊലീസ് കണ്ടെടുത്തിട്ടുണ്ട്. കേസിലെ ഒന്നാം പ്രതി ഉണ്ണി ആണ് ബാറിന്റെ പാര്ക്കിംഗ് ഏരിയയില് നിന്നും ജീവനക്കാരന്റെ ബൈക്ക് പൂട്ട് തകര്ത്ത് ഉരുട്ടി പുറത്തിറക്കിയത്.
തുടര്ന്ന് രണ്ടാം പ്രതി ജിനു ബേബിക്ക് നല്കി. ജിനു വാഹനത്തിന് പകരം ഉണ്ണിക്ക് പണം നല്കി. ജിനു വാഹനം വിനീതിന് കൈമാറി. വിനീതിനെ ചോദ്യം ചെയ്തപ്പോഴാണ് നിതിന് നിസാറിന്റെ പങ്ക് വ്യക്തമായത്.
