തിരുവനന്തപുരം : മെഡിക്കല് കോളേജിലെ തീവ്ര പരിചരണ വിഭാഗം തുണികൊണ്ടു മറച്ച് പ്രവര്ത്തനം നടത്തിയ സംഭവത്തില് സ്വമേധയാ കേസെടുത്ത് മനുഷ്യാവകാശ കമ്മീഷന്.ഡെപ്യൂട്ടി ഡി എം ഇ റാങ്കിലുള്ള ഉദ്യോഗസ്ഥന് അന്വേഷിക്കണമെന്നാണ് മെഡിക്കല് വിദ്യാഭ്യാസ ഡയറക്ടര്ക്ക് നിര്ദ്ദേശം. നല്കിയത്. രണ്ടാഴ്ചക്കകം സമഗ്ര റിപ്പോര്ട്ട് നല്കണമെന്നാണ് ആവശ്യപ്പെട്ടിട്ടുളളത്.
ഇക്കഴിഞ്ഞ മാര്ച്ച് 17നാണ് തിരുവനന്തപുരം മെഡിക്കല് കോളേജ് മള്ട്ടി സ്പെഷ്യാലിറ്റി ബ്ലോക്കില് തീപ്പിടുത്തം ഉണ്ടായത്. 36 കിടക്കകളുളള സര്ജിക്കല്,ട്രോമാ തീവ്ര പരിചരണ വിഭാഗം വാര്ഡുകളാണ് ഒഴിപ്പിച്ചത്. ഒരു മാസം കഴിഞ്ഞിട്ടും വാര്ഡുകള് പ്രവര്ത്തനസജ്ജമാക്കിയില്ല. നിലവില് ഏഴ്,എട്ട് വാര്ഡുകളില് മുണ്ട് വലിച്ചുകെട്ടിയാണ് സര്ജിക്കല് ട്രോമാകെയര് വാര്ഡുകള് പ്രവര്ത്തിക്കുന്നത്.
കാഷ്വാലിറ്റിയില് എത്തുന്ന രോഗികള്ക്ക് തീവ്ര പരിചരണ വിഭാഗം കിടക്കകള് നല്കാന് കഴിയുന്നില്ലെന്ന പ്രതിസന്ധി ചൂണ്ടിക്കാട്ടി വകുപ്പ് മേധാവി മെഡിക്കല് കോളേജ് പ്രിന്സിപ്പലിന് കത്തയച്ചിരുന്നു. കാലതാമസത്തിന് പിന്നില് പിഡബ്ല്യുഡി, ഇലക്ട്രിക്കല് ഇന്സ്പെക്ടറേറ്റ് വിഭാഗം ക്ലിയറന്സ് നല്കാത്തതാണ് എന്നാണ് ആശുപത്രി അധികൃതര് പറയുന്നത്.
