കൊല്ലപ്പെട്ട ഗുണ്ടാനേതാവ് ആതിഖ് അഹമ്മദിന്റെ മകൻ അബാൻ അഹമ്മദും കൊല്ലപ്പെട്ടു

ലക്നൗ :  കൊല്ലപ്പെട്ട ഗുണ്ടാനേതാവ് ആതിഖ് അഹമ്മദിന്റെ മകൻ അബാൻ അഹമ്മദ് ഉൾപ്പെടെ രണ്ട് പേർ വാഹനാപകടത്തിൽ മരിച്ചു. ഉത്തർപ്രദേശിലെ ഝാൻസിയിലെ പൂഞ്ച് പോലീസ് സ്റ്റേഷൻ പരിധിയിലായിരുന്നു അപകടം . കാർ ഹൈവേ ഡിവൈഡറിൽ ഇടിച്ച് കയറുകയായിരുന്നു . അമിത വേഗതയാണ് അപകടത്തിന് കാരണമെന്ന് പ്രാഥമിക വിവരങ്ങൾ സൂചിപ്പിക്കുന്നു.

പരിക്കേറ്റ മൂന്ന് പേരെ ആശുപത്രിയിൽ പ്രവേശിപ്പിച്ചു. ആതിഖിന്റെ മകൻ ഉൾപ്പെടെ എല്ലാവരും പ്രയാഗ്‌രാജിൽ നിന്ന് ഝാൻസിയിലേക്ക് ജയിലിൽ കഴിയുന്ന അബാന്റെ സഹോദരൻ അലി അഹമ്മദിനെ കാണാൻ യാത്ര ചെയ്യുകയായിരുന്നു.

കൂട്ടിയിടിയുടെ ആഘാതത്തിൽ കാറിന്റെ മുൻഭാഗം പൂർണ്ണമായും തകർന്നു. വിവരം ലഭിച്ചയുടൻ പോലീസ് സ്ഥലത്തെത്തി പരിക്കേറ്റവരെ ആശുപത്രിയിലേക്ക് മാറ്റി. അപകടത്തെക്കുറിച്ച് പോലീസ് അന്വേഷണം ആരംഭിച്ചു.

ആതിഖ് അഹമ്മദിന് അഞ്ച് ആൺമക്കളുണ്ടായിരുന്നു, അവരിൽ അസദ് പോലീസ് ഏറ്റുമുട്ടലിൽ കൊല്ലപ്പെട്ടു. അലി അഹമ്മദ് നിലവിൽ ജയിലിലാണ്. മറ്റ് രണ്ട് മക്കൾ സ്കൂൾ വിദ്യാർത്ഥികളാണ്.