മലപ്പുറം: മൊബൈല് ഫോണില് സംസാരിച്ച് സ്വകാര്യ ബസ് ഓടിക്കുന്ന ദൃശ്യം സോഷ്യല്മീഡിയയില് വൈറലായതോടെ ഡ്രൈവര്ക്കെതിരെ കേസെടുത്തു. ശാസ്താ എന്ന ബസ് പൊലീസ് കസ്റ്റഡിയിലെടുക്കുകയും ചെയ്തു. മനുഷ്യജീവന് അപകടം വരുത്തുന്ന വിധം വാഹനമോടിച്ചതിനാണ് കേസ്.കുറ്റിപ്പുറം ദേശീയ പാതയിലൂടെയാണ് മൊബൈല് ഫോണില് സംസാരിച്ച് ബസ് ഓടിച്ചത്.
കുറ്റിപ്പുറത്ത് ഒരാളുടെ മരണത്തിനും അനേകം പേരുടെ പരിക്കിനും ഇടയാക്കിയ ബസ് അപകടം നടന്നതിന് പിന്നാലെയാണ് ഈ ദൃശ്യംസോഷ്യല് മീഡിയയില് പ്രചരിച്ചത്.
കഴിഞ്ഞ ദിവസം കുറ്റിപ്പുറത്തുണ്ടായ ബസ് അപകടത്തിന് കാരണം അമിത വേഗതയും അശ്രദ്ധയുമാണെന്നാണ് മോട്ടോര് വാഹന വകുപ്പിന്റെയും പൊലീസിന്റെയും നിഗമനം. ബസ് 100 കിലോമീറ്റര് വേഗതയിലാണ് ഓടിച്ചതെന്നാണ് കണ്ടെത്തല്. മഴയുണ്ടായിരുന്നതിനാല് അക്വാപ്ലെയിനിങും ബസ് നിയന്ത്രണം വിടാന് കാരണമായി.
