നിങ്ങൾ സവാള അരിഞ്ഞ് ഫ്രിഡ്ജില് വയ്ക്കാറുണ്ടോ? രാവിലത്തെ ധൃതിപിടിച്ചുള്ള അടുക്കളപണി എളുപ്പത്തിലാക്കുവാനായി മിക്കവരും സവാളയും വെളുത്തുള്ളിയും പച്ചക്കറികളുമൊക്കെ അരിഞ്ഞ് ഫ്രിജിൽ വയ്ക്കാറുണ്ട്. സവാള അരിഞ്ഞ് ഫ്രിജിൽ വയ്ക്കുന്നത് സുരക്ഷിതമാണ്, എന്നാൽ അത് കൃത്യമായ രീതിയിൽ സൂക്ഷിക്കണമെന്ന് മാത്രം. മുറിച്ച സവാള തുറന്ന പാത്രത്തിൽ ഫ്രിജിൽ വയ്ക്കുന്നത് ഒഴിവാക്കണം. സവാള അരിഞ്ഞ് സൂക്ഷിക്കുമ്പോൾ ശ്രദ്ധിക്കേണ്ട കാര്യങ്ങൾ അറിയാം
സവാള അരിഞ്ഞ ശേഷം ഒരു എയർ ടൈറ്റ് കണ്ടെയ്നറിലോ സിപ്ലോക്ക് കവറിലോ ആക്കി ഫ്രിജിൽ വയ്ക്കണം. ഇല്ലെങ്കിൽ സവാളയുടെ ഗന്ധം ഫ്രിജിലെ മറ്റ് ഭക്ഷണസാധനങ്ങളിലേക്ക് പടരാൻ സാധ്യതയുണ്ട്.വാള മുറിച്ച് രണ്ട് മണിക്കൂറിനുള്ളിൽ തന്നെ ഫ്രിജിലേക്ക് മാറ്റണം. പുറത്ത് ദീർഘനേരം ഇരിക്കുന്നത് ബാക്ടീരിയ വളരാൻ കാരണമാകും. അരിഞ്ഞ സവാള ഒരു ട്രേയിലായി പരത്തി 1–2 മണിക്കൂർ ഫ്രീസറിൽ വയ്ക്കുക. ശേഷം സിപ്പ്-ലോക്ക് ബാഗിലേക്ക് മാറ്റുക. 2–3 മാസം വരെ ഉപയോഗിക്കാം (പാചകത്തിനായി മാത്രം; സലാഡിന് അല്ല).
ഫ്രിജിൽ വയ്ക്കുന്ന അരിഞ്ഞ സവാള 7 മുതൽ 10 ദിവസം വരെ കേടുകൂടാതെ ഇരിക്കും. എങ്കിലും ഗുണവും രുചിയും നിലനിൽക്കാൻ 3-5 ദിവസത്തിനുള്ളിൽ ഉപയോഗിക്കുന്നതാണ് നല്ലത്.സവാളയിലെ ഈർപ്പം കാരണം പൂപ്പൽ ഉണ്ടാകാതിരിക്കാൻ പാത്രത്തിനടിയിൽ ഒരു ടിഷ്യു പേപ്പർ വയ്ക്കുന്നത് ഈർപ്പം വലിച്ചെടുക്കാൻ സഹായിക്കും.
