ന്യൂഡൽഹി : ചണ്ഡീഗഡിലെ ബിജെപി പഞ്ചാബ് ഓഫീസിന് പുറത്ത് സ്ഫോടനം . വൈകുന്നേരം 5 മണിയോടെയാണ് സ്ഫോടനം നടന്നത്. രണ്ട് പേർ ഇരുചക്രവാഹനത്തിൽ എത്തി ക്രൂഡ് ബോംബ് എറിഞ്ഞ് രക്ഷപ്പെടുകയായിരുന്നു എന്നാണ് പ്രാഥമിക കണ്ടെത്തലുകൾ.
സ്ഫോടനത്തിൽ മൂർച്ചയുള്ള വസ്തു തെറിച്ച് മുൻവശത്തെ ചുമരിൽ ഇടിച്ചുതകർന്നു. ചണ്ഡീഗഡിലെ സെക്ടർ 37 ലാണ് ബിജെപി പഞ്ചാബ് ഓഫീസ് സ്ഥിതി ചെയ്യുന്നത്. സിഎഫ്എസ്എൽ സംഘം സംഭവസ്ഥലത്തെത്തി. സുരക്ഷാ ഏജൻസികൾക്ക് ജാഗ്രതാ നിർദ്ദേശം നൽകിയിട്ടുണ്ട്. സംഭവസ്ഥലം പൊലീസ് വളഞ്ഞിരിക്കുകയാണ്. അന്വേഷണം പ്രാരംഭ ഘട്ടത്തിലായതിനാൽ സ്ഫോടനത്തിന് കാരണമായ രാസവസ്തു എന്താണെന്ന് പോലീസ് ഇതുവരെ വെളിപ്പെടുത്തിയിട്ടില്ല.
