തൃശൂര് : പാലപ്പിള്ളി ചിമ്മിനി ഉള്ക്കാട്ടില് കാട്ടാനയുടെ ആക്രമണത്തില് ഫോറസ്റ്റ് വാച്ചര് കൊല്ലപ്പെട്ടു.എച്ചിപ്പാറ ഉന്നതിയിലെ മലയന് വീട്ടില് കുമാര്(42) ആണ് മരിച്ചത്.വ്യാഴാഴ്ച രാവിലെ മംഗലം ഡാമിന്റയും ചിമ്മിനി ഡാമിന്റെയും അതിര്ത്തി പ്രദേശമായ ഒളകരകവയിലായിരുന്നു സംഭവം.
ഫയര്ലൈന് ജോലിക്കായി പോയ ആറംഗ സംഘത്തിന് നേരെ പിടിയാന ആക്രമണം നടത്തുകയായിരുന്നു.ആനയുടെ മുന്നില് അകപ്പെട്ട സംഘം പലവഴിക്കായി ഓടിരക്ഷപ്പെട്ടു.
അരമണിക്കൂറിന് ശേഷം തിരിച്ചെത്തിയപ്പോഴാണ് കാട്ടാനയുടെ ചവിട്ടേറ്റ നിലയില് കുമാറിനെ കണ്ടത്. കൂടെയുണ്ടായിരുന്നവര് കുമാറിനെ വേലൂപ്പാടത്തെ സ്വകാര്യ ആശുപത്രിയില് എത്തിച്ചെങ്കിലും മരിച്ചിരുന്നു.
പോസ്റ്റ്മോര്ട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ടുനല്കും.
