കോട്ടയം: സംസ്ഥാനത്തുണ്ടാകുന്ന വന്യ മൃഗശല്യത്തില്‍ സര്‍ക്കാരിനെ വിമര്‍ശിച്ച് മലങ്കരസഭാ അധ്യക്ഷന്‍ ബസേലിയോസ് മാര്‍ത്തോമാ മാത്യൂസ് തൃതീയന്‍ കാതോലിക്കാ ബാവാ.പ്രസ്താവനകള്‍ കൊണ്ട് മാത്രം കാര്യമില്ലെന്ന് അദ്ദേഹം പറഞ്ഞു.
വന്യജീവി ആക്രമണത്തിന്റെ തീവ്രത മനസിലാകണമെങ്കില്‍ മന്ത്രിമാര്‍ വനമേഖലകളില്‍ വന്ന് താമസിക്കണം.നഷ്ടപരിഹാരവും ആശ്വാസവാക്കുകളും പരിഹാരമല്ലെന്നും ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ വിമര്‍ശിച്ചു.
അതിനിടെ ഇടുക്കി മൂന്നാറില്‍ വീണ്ടും ജനവാസ മേഖലയില്‍ വെളളിയാഴ്ച ഉച്ചയോടെ കാട്ടാനക്കൂട്ടം ഇറങ്ങി.പാലക്കാട് അട്ടപ്പാടി ബോഡിച്ചാളയില്‍ ഇറങ്ങിയ കാട്ടാന വ്യാപക നാശനഷ്ടം ഉണ്ടാക്കി. കൊച്ചി ധനുഷ്‌കോടി ദേശീയപാതയില്‍ ബോട്ടാണിക്കല്‍ ഗാര്‍ഡന് സമീപം ഇറങ്ങിയ ആനകളെ ആര്‍ ആര്‍ ടി എത്തി തുരത്തി.
