കോഴിക്കോട് : കാക്കൂര് മുണ്ടപ്പുറക്കുന്ന് സ്വദേശിനി ഹസ്നയെ (34) വാടകയ്ക്ക് താമസിച്ചിരുന്ന ഫ്ളാറ്റില് തൂങ്ങി മരിച്ച നിലയില് കണ്ടെത്തിയ സംഭവത്തില് അന്വേഷണം വ്യാപിപ്പിച്ച്് പൊലീസ്. ഒപ്പം താമസിച്ചിരുന്ന യുവാവിനെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഹസ്ന താമസിച്ചിരുന്ന കൈതപ്പൊയിലിലെ ഹൈസന് ഫ്ളാറ്റിലെ മുറി തുറക്കാഞ്ഞതിനെത്തുടര്ന്ന്, ഒപ്പം താമസിച്ചിരുന്ന പുതുപ്പാടി സ്വദേശി ആദില് (29) തന്നെയാണ് ഫ്ളാറ്റ് ഉടമയെ വിവരമറിയിച്ചത്. വാതില് ചവിട്ടിപ്പൊളിച്ച് അകത്തുകയറിയപ്പോള് ഹസ്ന ഫാനില് തൂങ്ങിയ നിലയില് കണ്ടെത്തുകയായിരുന്നു.
ആദിലിന് ലഹരിമരുന്ന് സംഘങ്ങളുമായി ബന്ധമുണ്ടെന്നതും ക്രിമിനല് പശ്ചാത്തലവും സംബന്ധിച്ച് പൊലീസ് വിവരം ശേഖരിച്ചുവരികയാണ്.
