പാലക്കാട് : വാണിയംകുളത്ത് പെട്രോള്‍ പമ്പിന് തീയിടാന്‍ ശ്രമിച്ച കേസില്‍ രണ്ടുപേരെ അറസ്റ്റ് ചെയ്തു.വാണിയംകുളം സ്വദേശികളായ പ്രശാന്ത്,രവീന്ദ്രന്‍ എന്നിവരെയാണ് അറസ്റ്റ് ചെയ്തത്.
കഴിഞ്ഞ ദിവസം ഓട്ടോറിക്ഷയില്‍ എത്തിയ മൂന്നംഗസംഘം പമ്പിലെ ജീവനക്കാരുമായി വാക്ക് തര്‍ക്കത്തില്‍ ഏര്‍പ്പെട്ടിരുന്നു. ഇതിന് പിന്നാലെയാണ് പമ്പില്‍ പെട്രോള്‍ ഒഴിച്ച് തീകൊളുത്താന്‍ ശ്രമിച്ചത്
പ്ലാസ്റ്റിക് കുപ്പിയില്‍ പെട്രോള്‍ നല്‍കണമെന്ന് സംഘം ആവശ്യപ്പെട്ടു. കുപ്പിയില്‍ പെട്രോള്‍ നല്‍കാന്‍ കഴിയില്ലെന്ന് അറിയിച്ചതോടെ ഇവര്‍ ജീവനക്കാരെ അസഭ്യം പറഞ്ഞു.തുടര്‍ന്ന് ഓട്ടോറിക്ഷയില്‍ സൂക്ഷിച്ചിരുന്ന പ്ലാസ്റ്റിക് കന്നാസുകളില്‍ സംഘം പെട്രോള്‍ വാങ്ങി പമ്പില്‍ തന്നെ ഒഴിച്ച് തീവയ്‌ക്കാന്‍ ശ്രമിക്കുകയായിരുന്നു.
