ന്യൂദല്‍ഹി: സൊമാലിയയില്‍ നിന്നും യുഎസിലേക്ക് ഇല്‍ഹാന്‍ ഒമര്‍ എന്ന കറുത്തവര്‍ഗ്ഗക്കാരി കൂടിയേറിയത് സ്വന്തം സഹോദരനെ വിവാഹം കഴിച്ചതായി കള്ള സര്‍ട്ടിഫിക്കറ്റ് ഉണ്ടാക്കിയാണെന്ന് കണ്ടെത്തി ഡൊണാള്‍ഡ് ട്രംപ്. ഇതിന്റെ പേരില്‍ ഇവരെ യുഎസില്‍ നിന്നും സൊമാലിയയിലേക്ക് നാടുകടത്താനുള്ള നീക്കത്തിലാണ് ട്രംപ് സര്‍ക്കാര്‍.
യുഎസിലെ ഡമോക്രാറ്റിക് പാര്‍ട്ടി നേതാവായ ഇല്‍ഹാന്‍ ഒമര്‍ പണ്ട് പാക് അധിനിവേശ കശ്മീര്‍ സന്ദര്‍ശിച്ച് ഇന്ത്യയെ പ്രകോപിപ്പിച്ച നേതാവാണ്. ജോ ബൈഡന്‍ അമേരിക്കന്‍ യുഎസ് പ്രസിഡന്‍റായിരുന്നപ്പോഴായിരുന്നു ഇല്‍ഹാന്‍ ഒമറിന്റെ ഈ കശ്മീര്‍ സന്ദര്‍ശനം. ഇന്ത്യ ഇന്ത്യയുടെ ഭാഗമാണെന്ന് കരുതുന്ന സ്ഥലമാണ് പാക് അധീന കശ്മീര്‍. എന്നാല്‍ ഇത് പാകിസ്ഥാന്റെ അവിഭാജ്യഭാഗമാണെന്നാണ് ഇല്‍ഹാന്‍ ഒമര്‍ അന്ന് പ്രഖ്യാപിച്ചത്. കശ്മീരിനുള്ള പ്രത്യേക പദവി എടുത്തുകളഞ്ഞ കേന്ദ്രസര്‍ക്കാര്‍ തീരുമാനത്തെയും ഇവര്‍ ചോദ്യം ചെയ്തിരുന്നു. മോദി സര്‍ക്കാരിന്റെ കീഴില്‍ കശ്മീരില്‍ മനുഷ്യാവകാശലംഘനം നടക്കുന്നു എന്ന് വാദിക്കുകയും ചെയ്തിരുന്നു ഇല്‍ഹാന്‍ ഒമര്‍.
എന്നാല്‍ ഇപ്പോള്‍ ഇല്‍ഹാന്‍ ഒമറിനെപ്പറ്റിയുള്ള കള്ളത്തരങ്ങള്‍ പുറത്തുവരികയാണ്. സൊമാലിയയില്‍ നിന്നും യുഎസിലേക്ക് കുടിയേറാന്‍ സ്വന്തം സഹോദരനുമായി വിവാഹം ചെയ്തതായുള്ള കള്ളസര്‍ട്ടിഫിക്കറ്റ് ഇവര്‍ സംഘടിപ്പിച്ചിരുന്നതായി പറയുന്നു. ഈ കള്ളത്തരം നടത്തിയതിന്റെ പേരില്‍ ഇവര്‍ക്കുള്ള അമേരിക്കന്‍ പൗരത്വം എടുത്തുകളഞ്ഞ് ഇവരെ അമേരിക്കയില്‍ നിന്നും നാടുകടത്തണമെന്ന ആവശ്യം ഉയരുകയാണ്.
അമേരിക്കയിലെ മിനസോട്ട ഭരിയ്‌ക്കുന്നത് ഡമോക്രാറ്റിക് പാര്‍ട്ടിയാണ്. വലിയ തട്ടിപ്പിലൂടെയാണ് ഇവര്‍ മിനസോട്ട പിടിച്ചെടുത്തതെന്ന് റിപ്പോര്‍ട്ടുകളുണ്ട്. മിനസോട്ടയില്‍ നല്ലൊരു വിഭാഗം സൊമാലിയയില്‍ നിന്നുള്ള കുടിയേറ്റക്കാരാണ്. ഇക്കൂട്ടത്തില്‍പ്പെട്ട ആളാണ് ഇല്‍ഹാന്‍ ഒമര്‍. ഇവിടുത്തെ സൊമാലിയക്കാരെയും നാടുകടത്തണമെന്ന ആവശ്യം ഉയര്‍ത്തുകയാണ് ട്രംപ്.
