മുംബൈ: മുംബൈ നഗരത്തില്‍ നിന്നും അനധികൃതമായി നുഴഞ്ഞു കയറിയ 1001 ബംഗ്ലാദേശികളെ നാടുകടത്തി. 2025 നവമ്പര്‍ മാസത്തില്‍ ഇതുവരെ ഇന്ത്യയില്‍ നിന്നും നാടുകടത്തിയ ആകെ ബംഗ്ലാദേശികളുടെ എണ്ണമാണിത്.
കേന്ദ്രസര്‍ക്കാരിന്റെ എന്‍ഫോഴ്സ്മെന്‍റ് ഏജന്‍സികളുടെ ഇടപെടല്‍ ശക്തമായതോടെ നുഴഞ്ഞുകയറ്റക്കാര്‍ക്ക് ഇന്ത്യയിലെ താമസം ഇനി എളുപ്പമാകില്ല. വോട്ടേഴ്സ് ലിസ്റ്റിന്റെ തീവ്രവമായ പുനപരിശോധനയുടെ ലക്ഷ്യവും ഇന്ത്യയില്‍ നുഴഞ്ഞുകയറി കള്ളരേഖകളുടെ ബലത്തില്‍ ഇന്ത്യന്‍ പൗരന്മാരായി വിലസുന്നവരെ കണ്ടെത്തി പുറത്താക്കുക എന്നതാണ്.
2024നെ അപേക്ഷിച്ച് ആറിരട്ടി പേരെയാണ് ഈ വര്‍ഷം നാടുകടത്തിയത്. 2023ല്‍ മുംബൈ നഗരം നാടുകടത്തിയ ബംഗ്ലാദേശികളേക്കാള്‍ ആറിരട്ടി പേരെയാണ് ഇപ്പോള്‍ നാടുകടത്തിയത്. നഗരത്തില്‍ വിസ ലംഘിച്ച് താമസിക്കുന്നവരെയും ആധികാരിക രേഖകളില്ലാത്തവരെയും പൊലീസ് കണ്ടെത്തുകയായിരുന്നു. പലരുടെകയ്യില്‍ നിന്നും ആധാര്‍ കാര്‍ഡ് ഉള്‍പ്പെടെ വ്യാജ ഇന്ത്യന്‍ രേഖകളാണ് കണ്ടെത്തിയത്. ഇവര്‍ക്കെതിരെ 401 ക്രിമിനല്‍ കേസുകള്‍ എടുത്തിരുന്നു.
പൊലീസിന്റെ കര്‍ശനമായ ജാഗ്രതയാണ് അനധികൃത നുഴഞ്ഞുകയറ്റക്കാരെ കണ്ടെത്താന്‍ ഇടയാക്കിയത്. അനധികൃത നുഴഞ്ഞുകയറ്റക്കാരെ കണ്ടെത്തിയ ശേഷം പുനെയിലേക്ക് കൊണ്ടുപോരുകയായിരുന്നു. അവിടെ നിന്നും വ്യോമസേനയുടെ വിമാനത്തില്‍ കയറ്റി അയച്ചു. പിന്നീട് അവരെ ബംഗ്ലാദേശ് അതിര്‍ത്തി സേനയ്‌ക്ക് നല്‍കി.
