തൃശൂര്: സ്വകാര്യ സ്കൂളില് ജോലി വാഗ്ദാനം ചെയ്ത് യുവതിയില് നിന്ന് 10 ലക്ഷം രൂപ തട്ടിയെടുത്ത കേസില് ദമ്പതികള് അറസ്റ്റിലായി. വലപ്പാട് വാഴൂര് വീട്ടില് പ്രവീണ് (56), ഭാര്യ രേഖ (45) എന്നിവരാണ് അറസ്റ്റിലായത്. പാലോട് നന്ദിയോട് അഞ്ജു നിലയത്തില് ആര്യാ മോഹനനില് നിന്ന് പണം തട്ടിയെടുത്ത കേസിലാണ് അറസ്റ്റ്. കെ.എ.എം യു.പി സ്കൂളില് അധ്യാപകരെ ആവശ്യമുണ്ടെന്ന് കാണിച്ച് പ്രമുഖ പത്രങ്ങളില് പരസ്യം ചെയ്തായിരുന്നു തട്ടിപ്പ്. തുടര്ന്ന് ആര്യയെ ഇന്റര്വ്യൂ നടത്തി ജോലി വാഗ്ദാനം ചെയ്ത് 10 ലക്ഷം രൂപ വാങ്ങി. മൂന്ന് മാസം സ്കൂളില് ജോലി ചെയ്യിപ്പിച്ചെങ്കിലും പിന്നീട് പറഞ്ഞുവിട്ടു. ഒഴിവില്ലാതിരുന്നിട്ടും ആര്യയെ വിശ്വസിപ്പിക്കാനായിരുന്നു ജോലി നല്കിയത്.
്പ്രതികള്ക്കെതിരെ വിവിധ സ്റ്റേഷനുകളിലായി വേറെയും തട്ടിപ്പുകേസുകളുണ്ടെന്ന് പൊലീസ് പറഞ്ഞു. കോടതി ഇവരെ റിമാന്ഡ് ചെയ്തു.
സ്വകാര്യ സ്കൂളില് ജോലി വാഗ്ദാനം ചെയ്ത് 10 ലക്ഷം രൂപ തട്ടിയെടുത്തെന്ന പരാതിയില് ദമ്പതികള് അറസ്റ്റിലായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.