കോഴിക്കോട് : തദ്ദേശ തെരഞ്ഞെടുപ്പ് പടിവാതിക്കല്‍ നില്‍ക്കെ കോണ്‍ഗ്രസിന് തിരിച്ചടി. അഴിയൂര്‍ ഗ്രാമ പഞ്ചായത്ത് വൈസ് പ്രസിഡന്റ് ശശിധരന്‍ തോട്ടത്തില്‍ ബിജെപിയില്‍ ചേര്‍ന്നു. ഗ്രാമപഞ്ചായത്ത് അംഗം മഹിജ തോട്ടത്തിലും ബിജെപിയില്‍ അംഗമായി.
ഇരുവര്‍ക്കും ഇത്തവണ കോണ്‍ഗ്രസ് സീറ്റ് നിഷേധിച്ചിരുന്നു. ഇതില്‍ പ്രതിഷേധിച്ചാണ് ഇരുവരും പാര്‍ട്ടി വിട്ടത്.ബിജെപി കോഴിക്കോട് നോര്‍ത്ത് ജില്ലാ പ്രസിഡന്റ് സി ആര്‍ പ്രഫുല്‍ കൃഷ്ണന്‍ ഷാള്‍ അണിയിച്ചു രണ്ട് പേരെയും സ്വീകരിച്ചു.
മറ്റൊരു സംഭവത്തില്‍ കോഴിക്കോട് കോര്‍പ്പറേഷനിലും കോണ്‍ഗ്രസ് തിരിച്ചടി നേരിട്ടു.വോട്ടര്‍ പട്ടികയില്‍ പേരില്ലാത്തതിനെതിരെ മേയര്‍ സ്ഥാനാര്‍ത്ഥി വി എം വിനു നല്‍കിയ ഹര്‍ജി ഹൈക്കോടതി തള്ളി.ഇതോടെ യുഡിഎഫ് സ്ഥാനാര്‍ത്ഥിയായായി മത്സരിക്കാന്‍ വി എം വിനുവിന് കഴിയില്ല. സെലിബ്രറ്റി ആയത്‌കൊണ്ട് വിനുവിന് പ്രത്യേകത ഇല്ലെന്ന് കോടതി പറഞ്ഞു.
