കൊച്ചി : വന്ദേഭാരതില്‍ ഗണഗീതം പാടിയത് വഴി റെയില്‍വേ പാതാളത്തിലേക്ക് താഴ്ന്നിരിക്കുന്നു എന്ന ജോണ്‍ ബ്രിട്ടാസ് എംപിയുടെ അഭിപ്രായപ്രകടനത്തിന് കേരളത്തിലെ പ്രമുഖ കവികളെക്കുറിച്ച് ക്ലാസ് കൊടുക്കുക വഴി ചുട്ടമറുപടി നല്‍കി കേന്ദ്രമന്ത്രി ജയശങ്കര്‍.
“കേരളത്തില്‍ നിന്നും ബെംഗളൂരുവിലേക്കുള്ള വന്ദേഭാരത് ട്രെയിനിന്റെ രാഷ്‌ട്രീയ ഉദ്ഘാടനത്തിന്റെ പ്രധാനപ്പെട്ട ഭാഗമായി ആര്‍എസ്എസിന്റെ ഗണഗീതം മാറി. വന്ദേഭാരതില്‍ ഗണഗീതം പാടിയത് വഴി ഇന്ത്യന്‍ റെയില്‍വേ ഒരു പാട് പാതാളത്തിലേക്ക് താഴ്ന്നിരിക്കുന്നു. “-ഇതായിരുന്നു ജോണ്‍ ബ്രിട്ടാസ് എംപിയുടെ സമൂഹമാധ്യമക്കുറിപ്പ്.
“ഭാരതമാതാവിനോട് ആദരവ് കാണിക്കുന്നത് കേരളത്തില്‍ ഒരു ക്രിമിനല്‍ കുറ്റമാണെന്ന് എനിക്ക് അറിയില്ലായിരുന്നു. താങ്കളുടെ കമ്മ്യൂണിസത്തിനേക്കാള്‍ മതമാണ് താങ്കളുടെ പ്രശ്നം. സാധാരണ ഒരു ശരാശരി മലയാളി ഈ പാട്ടിനെ അനുമോദിക്കും. “- ജയശങ്കര്‍ പറയുന്നു.
“ഉള്ളൂര്‍ ആശാന്‍ വള്ളത്തോള്‍ എന്നിവര്‍ ദേശസ്നേഹത്തിന്റെ കവികളാണെന്നത് ഓര്‍മ്മിയ്‌ക്കണം. താങ്കള്‍ പൂന്താനത്തിന്റെ ഭാരതമഹിമ വായിച്ചുനോക്കൂ. കമ്മ്യൂണിസ്റ്റ് വിശ്വാസത്തേക്കാള്‍ നിങ്ങളുടെ പ്രശ്നം മതപരമായ അസഹിഷ്ണുതയാണ്. ” – ജയശങ്കര്‍ സമൂഹമാധ്യമത്തില്‍ കുറിച്ചു.
