ന്യൂദല്‍ഹി: ദല്‍ഹിയില്‍ കാര‍്ബോംബ് സ്ഫോടനം നടത്തിയത് ഇസ്ലാമിക ഭീകര സംഘടനയില്‍പ്പെട്ടവരാണെങ്കിലും തൃണമൂല്‍ നേതാവ് മഹുവ മൊയ്ത്ര എംപി കുറ്റപ്പെടുത്തുന്ന് അമിത് ഷായെ. അമിത് ഷാ കാരണമാണ് സ്ഫോടനമുണ്ടായത് എന്നാണ് മഹുവ മൊയ്ത്ര പറയുന്നത്.
ഹരിയാനയിലെ ഫരീദാബാദിലെ മെഡിക്കല്‍ കോളെജ് കേന്ദ്രീകരിച്ച് പ്രവര്‍ത്തിച്ചിരുന്ന ഏതാനും ഡോക്ടര്‍മാരാണ് ഈ സ്ഫോടനം നടത്തിയത്. ഇവര്‍ പാകിസ്ഥാന്‍ കേന്ദ്രീകരിച്ച് പ്രവര്‍ത്തിക്കുന്ന ജെയ്ഷ് എ മുഹമ്മദ്, അന്‍സാര്‍ ഗസ് വത് അല്‍ ഹിന്ദ് എന്നീ ഭീകരമസംഘടനകളുമായി അടുത്തബന്ധമുള്ളവരാണ്. ഈ സംഘടനകള്‍ക്കെതിരെയോ പത്ത് പേരുടെ മരണത്തിനിടയാക്കിയ സ്ഫോടനം നടത്തിയ ഭീകരരെയോ മഹുവ മൊയ്ത്ര കുറ്റപ്പെടുത്തിയില്ല എന്നതാണ് അതിശയം.
ബംഗാളില്‍ ഇസ്ലാമിസ്റ്റുകളുടെ കടുത്ത പിന്തുണയുള്ള നേതാവാണ് മഹുവ മൊയ്ത്ര. അതിനാല്‍ അവരുടെ പ്രസ്താവന അങ്ങിനെ ആയില്ലെങ്കിലേ അത്ഭുതപ്പെടാനുള്ളൂ എന്നാണ് ബിജെപി നേതാക്കളുടെ പ്രതികരണം.
നേരത്തെ അദാനിയ്‌ക്കെതിരെ പാര്‍ലമെന്‍റില്‍ ചോദ്യം ചോദിക്കുന്നതിന് ബിസിനസുകാരനില്‍ നിന്നും പണം ഉള്‍പ്പെടെയുള്ള ആനുകൂല്യം പറ്റി എന്ന ആരോപണത്തെ തുടര്‍ന്ന് എംപി സ്ഥാനം രാജിവെയ്‌ക്കേണ്ടി വന്ന തൃണമൂല്‍ പ്രവര്‍ത്തകയാണ് മഹുവ മൊയ്ത്ര. ദര്‍ശന്‍ ഹീരാനന്ദാനി എന്ന ബിസിനസുകാരനില്‍ നിന്നാണ് മഹുവ മൊയ്ത്ര പണമുള്‍പ്പെടെ സ്വീകരിച്ചത്. ഇക്കാര്യം ദര്‍ശന്‍ ഹീരാനന്ദാനി സമ്മതിച്ചതോടെയാണ് മഹുവയ്‌ക്ക് എംപി സ്ഥാനം നഷ്ടപ്പെട്ടത്. എന്നാല്‍ വീണ്ടും ലോക് സഭയില്‍ മത്സരിക്കാന്‍ മമത ബാനര്‍ജി ടിക്കറ്റ് കൊടുക്കുകയും മഹുവ ജയിച്ച് വരികയുമായിരുന്നു.
ദല്‍ഹി കാര്‍ സ്ഫോടനത്തില്‍ കേരളത്തിലെ പല പാര്‍ട്ടികളിലേയും രാഷ്‌ട്രീയ നേതാക്കള്‍ ഇതുവരെയും ഭീകരരെയോ അവരുടെ കൃത്യത്തെയോ അപലപിക്കാന്‍ തയ്യാറായിട്ടില്ല എന്നതും അതിശയിപ്പിക്കുന്നു.
