കൊച്ചി : വന്ദേഭാരത് ട്രെയിനിൽ വിദ്യാർഥികളെ കൊണ്ട് ആർഎസ്എസ് ഗണഗീതം പാടിയത് വിവാദമാക്കുന്ന കമ്യൂണിസ്റ്റുകളുടെ വായടപ്പിച്ച് യുവരാജ് ഗോകുലിന്റെ ഫേസ്ബുക്ക് പോസ്റ്റ്. ദേശഭക്തിഗാനമായ ഗണഗീതം കേൾക്കുമ്പോൾ വൃത്തികേടായും, വേടന്റെ പാട്ട് മനോഹരമായും തോന്നുന്നത് നിലവാരമനുസരിച്ചാണെന്നാണ് യുവരാജ് പറയുന്നത് .
‘ പരമപവിത്രമതാമീ മണ്ണില് ഭാരതാംബയെ പൂജിക്കാന്”
കമ്മി – അയ്യേ വൃത്തികേട്….
”കുടിച്ച കള്ള് കള്ളമൊന്നും പറയില്ലെടാ”
കമ്മി – ആഹഹാ…. വയലാര് എഴുതുമോ ഇത് പോലെ….
NB – ഓരോരുത്തരും അവരവരുടെ നിലവാരം അനുസരിച്ച് ആസ്വദിക്കും…‘ എന്നാണ് യുവരാജ് പറയുന്നത് .
വന്ദേഭാരത് ട്രെയിനിൽ സ്കൂൾ കുട്ടികളെ കൊണ്ട് ആർഎസ്എസ് ഗണഗീതം പാടിപ്പിച്ച സംഭവത്തിൽ അന്വേഷണത്തിന് വിദ്യാഭ്യാസ മന്ത്രി നിർദേശം നൽകിയിരുന്നു. പൊതുവിദ്യാഭ്യാസ ഡയറക്ടർക്കാണ് നിർദേശം നൽകിയത്. എറണാകുളം – ബെംഗളൂരു വന്ദേഭാരത് ട്രെയിൻ ഉദ്ഘാടന സ്പെഷൽ യാത്രയ്ക്കിടെ സ്കൂൾ വിദ്യാർഥികൾ ട്രെയിനിൽ ഗണ ഗീതം പാടുന്ന വിഡിയോയാണ് ശ്രദ്ധേയമായത് ദക്ഷിണ റെയിൽവേ ഔദ്യോഗിക സമൂഹ മാധ്യമ അക്കൗണ്ടിൽ പോസ്റ്റ് ചെയ്ത വിഡിയോയ്ക്ക് എതിരെ പ്രതിഷേധം ഉയർന്നതിനു പിന്നാലെ ദൃശ്യം നീക്കം ചെയ്തെങ്കിലും രാത്രി റീ പോസ്റ്റ് ചെയ്തു.
