പാലക്കാട് : ഭര്ത്താവ് ഭാര്യയെ വെട്ടിക്കൊലപ്പെടുത്തി. കുഴല്മന്ദത്തിന് സമീപം മാത്തൂര് പല്ലഞ്ചാത്തനൂരില് ആണ് സംഭവം.പൊള്ളപ്പാടം ഇന്ദിര(55) ആണ് കൊല്ലപ്പെട്ടത്.
ഭര്ത്താവ് വാസു കൊടുവാള് കൊണ്ടു കഴുത്തില് വെട്ടുകയായിരുന്നു. ഇയാളെ കുഴല്മന്ദം പൊലീസ് കസ്റ്റഡിയില് എടുത്തു. ബുധനാഴ്ച രാവിലെ ആണ് കൊലപാതകം.
കൊലപാതകം നടക്കുമ്പോള് വീട്ടില് ഇവരുടെ മക്കള് ആരും ഇല്ലായിരുന്നു. ഇന്ദിര സംഭവ സ്ഥലത്ത് വച്ച് തന്നെ മരിച്ചു.
കഴിഞ്ഞ ദിവസം വൈകിട്ട് വാസുവും ഇന്ദിരയും തമ്മില് വഴക്ക് ഉണ്ടായി. ബുധനാഴ്ച രാവിലെ മക്കള് ജോലിക്ക് പുറത്തുപോയ സമയത്ത് വാസു വീണ്ടും ഇന്ദിരയുമായി വഴക്കിടുകയും കൊടുവാള് കൊണ്ട് വെട്ടുകയുമായിരുന്നു. സ്ഥിരം മദ്യപാനിയായ വാസു പതിവായി വീട്ടില് പ്രശ്നങ്ങള് ഉണ്ടാക്കിയിരുന്നതായാണ് പ്രദേശവാസികള് പറയുന്നത്.
