തിരുവനന്തപുരം: കേന്ദ്ര വിദ്യാഭ്യാസ പദ്ധതിയായ പി എം ശ്രീയില് സിപിഐയുടെ എതിര്പ്പ് അവഗണിച്ച് സര്ക്കാര് ഒപ്പുവെച്ചതില് രൂക്ഷ പ്രതികരണവുമായി സിപിഐ സംസ്ഥാന സെക്രട്ടറി ബിനോയ് വിശ്വം. എന്ത് സര്ക്കാരെന്നും എവിടെയാണ് കൂട്ടുത്തരവാദിത്തമെന്നും പാര്ട്ടി സംസ്ഥാന സെക്രട്ടേറിയറ്റിന് ശേഷം നടത്തിയ വാര്ത്താസമ്മേളനത്തില് അദ്ദേഹം ചോദിച്ചു.
ധാരണാപത്രം ഒപ്പുവെച്ചപ്പോള് ഇടതുമുന്നണിയില് ചര്ച്ചയുണ്ടായിട്ടില്ല. എവിടെയും ചര്ച്ചചെയ്യാതെ ആരോടും ആലോചിക്കാതെ ഘടകകക്ഷികളെയും മന്ത്രിസഭയെയും ഇരുട്ടിലാക്കി ഇത്രയും ഗൗരവമായ വിഷയത്തില് ഇടതുമുന്നണിക്ക് എങ്ങിനെ മുന്നോട്ട് പോകാന് കഴിയുമെന്ന് സിപിഐയ്ക്ക് അറിയില്ല.
പി എം ശ്രീയില് ഒപ്പു വച്ചത് മുന്നണി മര്യാദയുടെ ലംഘനമാണെന്നും ഇത് ഇടതു മുന്നണിയുടെ ഭാഗത്ത് നിന്ന് പ്രതീക്ഷിച്ചതല്ലെന്നും ഈ ശൈലി തിരുത്തപ്പെടേണ്ടതാണെന്നും ബിനോയ് വിശ്വം വിമര്ശിച്ചു.
