തൃശൂര്‍: കേരളത്തില്‍ കൂടുതല്‍ പേരെ ആകര്‍ഷിക്കുകയാണ് ബിജെപി. വെള്ളിയാഴ്ച തൃശൂരില്‍ നടന്ന ചടങ്ങില്‍ സംഗീതസംവിധായകന്‍ ഔസേപ്പച്ചന്റെയും സാമൂഹ്യ നിരീക്ഷനായ ഫക്രുദ്ദീന്‍ അലിയുടെയും സാന്നിധ്യം കേരളത്തിലെയും കേന്ദ്രത്തിലെയും ബിജെപിയുടെ പ്രവര്‍ത്തനങ്ങള്‍ക്കുള്ള അംഗീകാരവും ആദരവുമാണ്.
മറ്റ് രാഷ്‌ട്രങ്ങള്‍ക്ക് മുമ്പില്‍ ഒരുപാട് വളര്‍ച്ച കണ്ടുകൊണ്ടിരിക്കുന്ന ഒരു രാജ്യമാണ് ഇന്ത്യയെന്നാണ് ഈ ചടങ്ങില്‍ പങ്കെടുത്ത് സംസാരിച്ച ഔസേപ്പച്ചന്‍ പറഞ്ഞത്. “ഇനിയും ഇന്ത്യ ഉയരങ്ങളിലേക്ക് എത്തണം. ആശയങ്ങളുടെ വ്യത്യസമുണ്ടെങ്കിലും അതിന് എല്ലാവരുടെയും സഹകരണം ഉണ്ടാകണം.”- ഔസേപ്പച്ചന്‍ പറഞ്ഞു.
സാമൂഹ്യ നിരീക്ഷന്‍ എന്ന നിലയില്‍ ഫക്രുദ്ദീന്‍ അലിയുടെ അഭിപ്രായങ്ങള്‍ പലപ്പോഴും ബിജെപിയ്‌ക്കും ആര്‍എസ്എസിനും അനുകൂലമാണ്. സി.ആര്‍. നീലകണ്ഠന്‍ ഉള്‍പ്പെടെയുള്ള ബുദ്ധിജീവികളെ ആര്‍എസ്എസ്-ബിജെപി അനുകൂലനിലപാടുകളാല്‍ വിദഗ്ധമായി നേരിടുന്ന ഡിബേറ്റര്‍ കൂടിയാണ് ഫക്രൂദ്ദീന്‍ അലി. ബിജെപിയുടെ ആശയമാണ് തന്നെ ഈ വേദിയില്‍ എത്തിച്ചതെന്നായിരുന്നു ഫക്രൂദ്ദീന്‍ അലിയുടെ പ്രതികരണം. “നല്ല രാഷ്‌ട്രീയക്കാരെ തനിക്ക് ഇഷ്‌ടമാണ്. പോസ്റ്റീവ് രാഷ്‌ട്രീയം ഇഷ്‌ടപ്പെടുന്നയാളാണ് താന്‍. കേന്ദ്രമന്ത്രി സുരേഷ്‌ ഗോപിയുടെ പ്രവര്‍ത്തനങ്ങളും ഇഷ്‌ടമാണ്”.-ഫക്രൂദ്ദീന്‍ അലി പറയുന്നു.
ഈയിടെ മുന്‍ ഡിജിപിയായിരുന്ന ജേക്കബ്ബ് തോമസ് ആര്‍എസ്എസില്‍ ചേര്‍ന്നിരുന്നു.
