ഇസ്ലാമാബാദ് ; പാകിസ്ഥാൻ സൈന്യത്തിന്റെ നുണകളും കാപട്യവും പൊളിച്ചടുക്കി താലിബാൻ . പാകിസ്ഥാൻ സൈന്യം വധിച്ചു എന്ന് അവകാശപ്പെട്ട ടിടിപി തലവൻ നൂർ വാലി മെഹ്സൂദ് ഇന്ന് ലോകത്തിന് മുന്നിൽ പ്രത്യേക്ഷപ്പെട്ടു.
ഒക്ടോബർ 9 ന് കാബൂളിൽ നടന്ന സ്ഫോടനത്തിൽ തെഹ്രീക്-ഇ-താലിബാൻ പാകിസ്ഥാൻ (ടിടിപി) തലവനെ തങ്ങൾ കൊന്നുവെന്ന് പാകിസ്ഥാൻ അവകാശപ്പെട്ടിരുന്നു. എന്നാൽ ഇന്ന് വീഡിയോ സന്ദേശം പുറത്തിറക്കിയ നൂർ വാലി, പാകിസ്ഥാൻ സൈന്യം തന്നെ കൊന്നുവെന്ന് തെറ്റായി അവകാശപ്പെട്ടുവെന്നും , താൻ ഇതുവരെ മരിച്ചിട്ടില്ലെന്നും പറഞ്ഞ് രംഗത്തെത്തി.
പാകിസ്ഥാനിലെ ഒരു അജ്ഞാത സ്ഥലത്ത് നിർമ്മിച്ച വീഡിയോയിൽ ടിടിപി മേധാവി, പാകിസ്ഥാൻ പൗരന്മാരെയും അന്താരാഷ്‌ട്ര സമൂഹത്തെയും കബളിപ്പിക്കാൻ പാകിസ്ഥാൻ സൈന്യം മനഃപൂർവ്വം തന്റെ മരണത്തെക്കുറിച്ച് തെറ്റായ വിവരങ്ങൾ പ്രചരിപ്പിച്ചതായും അതുവഴി ലോകത്തിന് മുന്നിൽ പാകിസ്ഥാനെ വീണ്ടും നാണം കെട്ടതായും ആരോപിച്ചു.
