ഐസ്വാള്: പ്രധാനമന്ത്രി നരേന്ദ്ര മോദി സെപ്റ്റംബര് 13 ന് പ്രധാനമന്ത്രി മിസോറാം സന്ദര്ശിക്കുും. രാവിലെ 10 മണിയോടെ ഐസ്വാളില് 9000 കോടിയിലധികം രൂപയുടെ വിവിധ വികസന പദ്ധതികള്ക്ക് തറക്കല്ലിടുകയും ഉദ്ഘാടനം ചെയ്യുകയും ചെയ്യും. കൂടാതെ പൊതുചടങ്ങിനെ അഭിസംബോധനയും ചെയ്യും. റെയില്വേ, റോഡ്വേ, ഊര്ജ്ജം, കായികം തുടങ്ങി നിരവധി മേഖലകളെ ഈ പദ്ധതികള് സഹായിക്കും.
ലോകോത്തര അടിസ്ഥാന സൗകര്യ വികസനത്തിനും അവസാന മൈല് കണക്റ്റിവിറ്റിക്കും വേണ്ടിയുള്ള പ്രതിബദ്ധതയ്ക്ക് അനുസൃതമായി, മിസോറാമിന്റെ തലസ്ഥാനത്തെ ഇന്ത്യന് റെയില്വേ ശൃംഖലയുമായി ആദ്യമായി ബന്ധിപ്പിക്കുന്ന 8,070 കോടിയിലധികം രൂപയുടെ ബൈറാബിസൈരാങ് പുതിയ റെയില് പാത പ്രധാനമന്ത്രി ഉദ്ഘാടനം ചെയ്യും. വെല്ലുവിളി നിറഞ്ഞ കുന്നിന് പ്രദേശത്ത് നിര്മ്മിച്ച റെയില് പാതാ പദ്ധതിയില് സങ്കീര്ണ്ണമായ ഭൂമിശാസ്ത്ര സാഹചര്യങ്ങളില് നിര്മ്മിച്ച 45 തുരങ്കങ്ങളുണ്ട്. കൂടാതെ, 55 പ്രധാന പാലങ്ങളും 88 ചെറിയ പാലങ്ങളും ഇതില് ഉള്പ്പെടുന്നു. മിസോറാമിനും രാജ്യത്തിന്റെ മറ്റ് ഭാഗങ്ങള്ക്കും ഇടയിലുള്ള നേരിട്ടുള്ള റെയില് കണക്റ്റിവിറ്റി മേഖലയിലെ ജനങ്ങള്ക്ക് സുരക്ഷിതവും കാര്യക്ഷമവും ചെലവ് കുറഞ്ഞതുമായ യാത്രാ മാര്ഗങ്ങള് വാഗ്ദാനം ചെയ്യും. ഭക്ഷ്യധാന്യങ്ങള്, വളങ്ങള്, മറ്റ് അവശ്യവസ്തുക്കള് എന്നിവയുടെ സമയബന്ധിതവും വിശ്വസനീയവുമായ വിതരണം ഇത് ഉറപ്പാക്കുകയും അതുവഴി മൊത്തത്തിലുള്ള ലോജിസ്റ്റിക് കാര്യക്ഷമതയും പ്രാദേശിക പ്രവേശനക്ഷമതയും വര്ദ്ധിപ്പിക്കുകയും ചെയ്യും.
കൂടാതെ പ്രധാനമന്ത്രി മൂന്ന് പുതിയ എക്സ്പ്രസ് ട്രെയിനുകളായ സൈരംഗ് (ഐസ്വാള്) ഡല്ഹി (ആനന്ദ് വിഹാര് ടെര്മിനല്) രാജധാനി എക്സ്പ്രസ്, സൈരംഗ്ഗുവാഹത്തി എക്സ്പ്രസ്, സൈരംഗ്കൊല്ക്കത്ത എക്സ്പ്രസ് എന്നിവ ഫ്ലാഗ് ഓഫ് ചെയ്യും. ഐസ്വാള് നെ രാജധാനി എക്സ്പ്രസ് വഴി ഡല്ഹിയുമായി നേരിട്ട് ബന്ധിപ്പിക്കും. സൈരംഗ്ഗുവാഹത്തി എക്സ്പ്രസ് മിസോറാമിനും അസമിനും ഇടയിലുള്ള ഗതാഗതം സുഗമമാക്കും. സൈരംഗ്കൊല്ക്കത്ത എക്സ്പ്രസ് മിസോറാമിനെ കൊല്ക്കത്തയുമായി നേരിട്ട് ബന്ധിപ്പിക്കും. ഈ മെച്ചപ്പെട്ട കണക്റ്റിവിറ്റി ആശുപത്രികള്, സര്വകലാശാലകള്, വിപണികള് എന്നിവയിലേക്കുള്ള പ്രവേശനം മെച്ചപ്പെടുത്തുകയും അതുവഴി മേഖലയിലുടനീളമുള്ള വിദ്യാഭ്യാസ, സാംസ്കാരിക, സാമ്പത്തിക ബന്ധങ്ങള് ശക്തിപ്പെടുത്തുകയും ചെയ്യും. ഇത് തൊഴിലവസരങ്ങള് സൃഷ്ടിക്കുകയും മേഖലയിലെ ടൂറിസത്തെ ഉത്തേജിപ്പിക്കുകയും ചെയ്യും.
അടിസ്ഥാന സൗകര്യങ്ങളുടെ ഒരു പ്രധാന നാഴികക്കല്ലെന്നോണം, പ്രധാനമന്ത്രി ഒന്നിലധികം റോഡ് പദ്ധതികള്ക്ക് തറക്കല്ലിടും. ഇതില് ഐസ്വാള് ബൈപാസ് റോഡ്, തെന്സാള്സിയാല്സുക് റോഡ്, ഖാന്കാവ്റൊന്ഗുര റോഡ് എന്നിവ ഉള്പ്പെടുന്നു.
പ്രധാനമന്ത്രിയുടെ വടക്കുകിഴക്കന് മേഖല വികസന സംരംഭ (ജങഉല്കചഋ) പദ്ധതി പ്രകാരം 500 കോടിയിലധികം രൂപ ചിലവഴിച്ചു കൊണ്ടുള്ള 45 കിലോമീറ്റര് ദൈര്ഘ്യമുള്ള ഐസ്വാള് ബൈപാസ് റോഡ് ഐസ്വാള് നഗരത്തിലെ തിരക്ക് കുറയ്ക്കുക, ലുങ്ലെയ്, സിയാഹ, ലോങ്ട്ലായ്, ലെങ്പുയ് വിമാനത്താവളം, സായിരംഗ് റെയില്വേ സ്റ്റേഷന് എന്നിവയിലേക്കുള്ള കണക്റ്റിവിറ്റി മെച്ചപ്പെടുത്തുക എന്നിവയാണ് ലക്ഷ്യമിടുന്നത്. തെക്കന് ജില്ലകളില് നിന്ന് ഐസ്വാളിലേക്കുള്ള യാത്രാ സമയം ഏകദേശം 1.5 മണിക്കൂര് കുറയ്ക്കുന്നതിലൂടെ മേഖലയിലെ ജനങ്ങള്ക്ക് ഇത് ഗണ്യമായി പ്രയോജനപ്പെടും. വടക്കുകിഴക്കന് പ്രത്യേക അടിസ്ഥാന സൗകര്യ വികസന പദ്ധതിയായ ചഋടകഉട (റോഡുകള്) പ്രകാരം നിര്മ്മിച്ച തെന്സാള്സിയാല്സുക് റോഡ് നിരവധി ഹോര്ട്ടികള്ച്ചര് കര്ഷകര്, ഡ്രാഗണ് ഫ്രൂട്ട് കര്ഷകര്, നെല്കര്ഷകര്, ഇഞ്ചി സംസ്കരണ വിദഗ്ധര് എന്നിവര്ക്ക് പ്രയോജനം ചെയ്യും, ഇതോടൊപ്പം ഐസ്വാള്തെന്സാള്ലുങ്ലെയ് ഹൈവേയുമായുള്ള കണക്റ്റിവിറ്റിയും ശക്തിപ്പെടുത്തും. സെര്ചിപ്പ് ജില്ലയിലെ ചഋടകഉട (ഞീമറ)െ പ്രകാരം നിര്മ്മിച്ച ഖാന്കോണ്റോംഗുര റോഡ് വിപണികള്ക്ക് മികച്ച സഹായം നല്കുകയും വിവിധ ഹോര്ട്ടികള്ച്ചര് കര്ഷകര്ക്കും മേഖലയിലെ മറ്റുള്ളവര്ക്കും പ്രയോജനം ചെയ്യുകയും ചെയ്യും, മാത്രമല്ല ആസൂത്രിത ഇഞ്ചി സംസ്കരണ പ്ലാന്റിനെ പിന്തുണയ്ക്കുകയും ചെയ്യും.
ലോങ്ട്ലായ്സിയാഹ റോഡിലെ ചിംതുയിപുയ് നദിക്ക് കുറുകെയുള്ള പാലത്തിന്റെ തറക്കല്ലിടലും പ്രധാനമന്ത്രി നിര്വഹിക്കും. എല്ലാ കാലാവസ്ഥയിലും ഉപയോഗിക്കാവുന്ന കണക്റ്റിവിറ്റി ഇത് നല്കുകയും യാത്രാ സമയം രണ്ട് മണിക്കൂര് കുറയ്ക്കുകയും ചെയ്യും. കലാദന് മള്ട്ടിമോഡല് ട്രാന്സിറ്റ് ചട്ടക്കൂടിന് കീഴിലുള്ള അതിര്ത്തി താണ്ടിയുള്ള വാണിജ്യത്തെയും ഇത് സഹായിക്കും.
കായിക മേഖലയിലെ വികസനത്തിനായുള്ള ഖേലോ ഇന്ത്യ മള്ട്ടിപര്പ്പസ് ഇന്ഡോര് ഹാളിന്റെ തറക്കല്ലിടല് പ്രധാനമന്ത്രി നിര്വഹിക്കും. ദേശീയ, അന്തര്ദേശീയ മത്സരങ്ങള്ക്ക് മിസോറാമിലെ യുവാക്കള്ക്ക് പ്രയോജനകരവും പരിപോഷിപ്പിക്കുന്നതുമായ ഒരു മള്ട്ടിപര്പ്പസ് ഇന്ഡോര് അരീന ഉള്പ്പെടെയുള്ള ആധുനിക കായിക സൗകര്യങ്ങള് തുയ്കുവാളിലെ ഹാള് പ്രദാനം ചെയ്യും.
മേഖലയിലെ ഊര്ജ്ജ അടിസ്ഥാന സൗകര്യങ്ങള് ശക്തിപ്പെടുത്തുന്നതിനായി, ഐസ്വാളിലെ മുവല്ഖാങ്ങില് 30 ടിഎംടിപിഎ (പ്രതിവര്ഷം ആയിരം മെട്രിക് ടണ്) എല്പിജി ബോട്ടിലിംഗ് പ്ലാന്റിന് പ്രധാനമന്ത്രി തറക്കല്ലിടും. ശുദ്ധമായ പാചക ഇന്ധനം എളുപ്പത്തില് ലഭ്യമാക്കുന്നതിലൂടെ മിസോറാമിലും അയല് സംസ്ഥാനങ്ങളിലും എല്പിജിയുടെ സ്ഥിരവും വിശ്വസനീയവുമായ വിതരണം ഉറപ്പാക്കുക എന്നതാണ് ഇതിന്റെ ലക്ഷ്യം. ഇത് പ്രാദേശിക തൊഴിലവസരങ്ങള് സൃഷ്ടിക്കുകയും ചെയ്യും.
പ്രധാനമന്ത്രി ജന് വികാസ് കാര്യക്രമം (പിഎംജെവികെ) പദ്ധതി പ്രകാരം പ്രധാനമന്ത്രി കവര്ത്തായില് റെസിഡന്ഷ്യല് സ്കൂളും ഉദ്ഘാടനം ചെയ്യും. അഭിലാഷ ജില്ലയായ മാമിതിലെ ഈ സ്കൂളില് ആധുനിക ക്ലാസ് മുറികള്, ഹോസ്റ്റലുകള്, കൃത്രിമ ഫുട്ബോള് ടര്ഫ് ഉള്പ്പെടെയുള്ള കായിക സൗകര്യങ്ങള് എന്നിവ ഒരുക്കും. ഇത് 10,000ത്തിലധികം കുട്ടികള്ക്കും യുവാക്കള്ക്കും പ്രയോജനപ്പെടും, ഇത് ദീര്ഘകാല സാമൂഹിക, വിദ്യാഭ്യാസ പുരോഗതിക്ക് അടിത്തറയിടും.
എല്ലാവര്ക്കും ഗുണനിലവാരമുള്ള വിദ്യാഭ്യാസം എന്ന തന്റെ കാഴ്ചപ്പാടിനെ മുന്നോട്ട് കൊണ്ടുപോകുന്നതിനായി, പ്രധാനമന്ത്രി ത്ലാങ്നുവാമില് ഏകലവ്യ മോഡല് റെസിഡന്ഷ്യല് സ്കൂളും ഉദ്ഘാടനം ചെയ്യും. പുതിയ സ്കൂള് വരുന്നത് പ്രവേശനം മെച്ചപ്പെടുത്തുകയും, കൊഴിഞ്ഞുപോക്ക് കുറയ്ക്കുകയും, ആദിവാസി യുവാക്കള്ക്ക് സമഗ്രമായ വിദ്യാഭ്യാസ അവസരങ്ങള് നല്കുകയും ചെയ്യും.
