ന്യൂദല്ഹി: ഒരു ഡ്രോണിന് 229 കോടി രൂപ എന്ന നിലയ്ക്ക് 87 ഡ്രോണുകള് വാങ്ങാന് കേന്ദ്ര പ്രതിരോധമന്ത്രാലയം തീരുമാനിച്ചതിന് പിന്നില് സവിശേഷമായ കാരണങ്ങള് ഉണ്ട്. ഇനി പാകിസ്ഥാനെ നിരീക്ഷിക്കാനും രഹസ്യവിവരങ്ങള് തേടാനും പാകിസ്ഥാനുള്ളിലേക്ക് നുഴഞ്ഞു കയറി മിസൈല് ആക്രമണം നടത്താനും ഡ്രോണുകളെ കൂടുതലായി ആശ്രയിക്കാനാണ് ഇന്ത്യയുടെ മൂന്ന് സൈനികവിഭാഗങ്ങളായ കര, നാവിക, വ്യോമസേനകള് ശ്രമിക്കുക. മിക്കവാറും മൂന്ന് സേനാമേധാവികളും ഇന്ത്യയുടെ ആയുധശേഖരങ്ങളില് ഡ്രോണുകള്ക്ക് പ്രാധാന്യം നല്കണമെന്ന് ഓപ്പറേഷന് സിന്ദൂറിന് ശേഷം അഭിപ്രായപ്പെട്ടിരുന്നു. ഇതനുസരിച്ചാണ് പുതുതായി ആയുധങ്ങള് വാങ്ങുമ്പോള് കേന്ദ്ര പ്രതിരോധമന്ത്രാലയം മുന്ഗണന നല്കിയത്. ഇതാണ് 87 ഡ്രോണുകള്ക്ക് 20000 കോടി രൂപ ചെലവഴിക്കാന് തീരുമാനിച്ചത്.
ഇന്ത്യ വാങ്ങുന്നത് മെയില് ഡ്രോണുകള്
ഇന്ത്യന് കമ്പനി വിദേശകമ്പനിയുമായി സഹകരിച്ച് നിര്മ്മിക്കുന്ന ഡ്രോണുകളാണ് ഇന്ത്യ വാങ്ങാന് പോകുന്ന മെയ് ല് ഡ്രോണ്. ഈ ഡ്രോണിന്റെ 60 ശതമാനത്തോളം തദ്ദേശീയമായാണ് നിര്മ്മിക്കുന്നത്. എന്താണ് മെയില് ഡ്രോണ് എന്നറിയാമോ? മെയില് (MALE- Medium Altitude Long Endurance) എന്ന പേരിനര്ത്ഥം മീഡിയം ആള്ട്ടിറ്റ്യൂഡ് ലോംഗ് എന്ഡ്യുറന്സ് ഡ്രോണ് എന്നാണ്. 30,000 അടി വരെ ഉയരത്തില് പറക്കാന് ഈ ഡ്രോണിന് കഴിവുണ്ട്. തുടര്ച്ചയായി 24 മണിക്കൂര് നേരം പറന്ന് ലക്ഷ്യസ്ഥാനങ്ങളില് ചെന്ന് ബോംബിടാന് മെയില് ഡ്രോണിന് (MALE Drone) സാധിക്കും. കരസേന, നാവികസേന, വ്യോമസേന എന്നീ മൂന്ന് സേനകളും മെയില് ഡ്രോണുകള് യുദ്ധത്തില് ഉപയോഗിക്കും.
ആള് നാശം കുറയ്ക്കുന്ന, അതേ സമയം ശത്രുരാജ്യത്ത് നാശം വിതയ്ക്കുന്ന ഡ്രോണുകള് ഇന്ന് ലോകത്തെവിടെയും യുദ്ധരംഗത്ത് പ്രധാന ആയുധമായി മാറിയിരിക്കുകയാണ്. ദൂരെയിരുന്ന് പ്രവര്ത്തിപ്പിക്കാമെന്നതിനാല് ആള്നാശമുണ്ടാകില്ല. ഗ്ലൈഡ് ബോംബുകളോ ആകാശത്ത് നിന്നും കരയിലേക്ക് തൊടുക്കാവുന്ന മിസൈലുകളോ ആണ് ഈ മെയില് ഡ്രോണുകളിലെ ആയുധങ്ങള്. ആകാശത്ത് നിന്നും കരയിലേക്ക് തൊടുക്കാവുന്ന മിസൈലുകളാണ് മെയില് ഡ്രോണുകളില് ഉപയോഗിക്കുക.
ശത്രൂവിന്റെ രഹസ്യവിവരങ്ങള് ശേഖരിക്കുക, ഒരു പ്രദേശത്തിന്റെയോ പ്രവര്ത്തനങ്ങളുടെയോ മേല്നോട്ടം നടത്തുക, സൈനികരംഗം നിരീക്ഷിക്കുക എന്നിങ്ങനെ മൂന്ന് ദൗത്യങ്ങള് നിര്വ്വഹിക്കുന്നവയാണ് ഈ മെയില് ഡ്രോണുകള്. ഇതില് രഹസ്യവിവരങ്ങള് ശേഖരിക്കാന് സഹായിക്കുന്ന ശക്തമായ സാങ്കേതിക വിദ്യകള് ഇതിലുണ്ട്. അതിര്ത്തിയില് ശത്രുപക്ഷത്തിന്റെ നീക്കങ്ങള് നിരീക്ഷിക്കാനും ഇവയ്ക്ക് കഴിയും. അതുപോലെ ശത്രുപക്ഷത്ത് എവിടെയാണ് ആക്രമിക്കേണ്ടത് എന്ന് തീരുമാനിക്കാനും അവിടെ ശക്തമായി പ്രഹരമേല്പ്പിക്കാനും ഈ മെയില് ഡ്രോണുകള്ക്ക് സാധിക്കും. മാത്രമല്ല, പൈലറ്റിന്റെ ആവശ്യവുമില്ല.
