നടന്‍ മദന്‍ ബോബ് അന്തരിച്ചു

ചെന്നൈ:നടന്‍ മദന്‍ ബോബ്(71) അന്തരിച്ചു. മകന്‍ അര്‍ച്ചിത്ത് ആണ് ഇക്കാര്യം അറിയിച്ചത്. അര്‍ബുദ ബാധിതനായിരുന്നു. 600-ലധികം ചിത്രങ്ങളില്‍ വേഷമിട്ടിട്ടുണ്ട്.

എസ് കൃഷ്ണമൂര്‍ത്തി എന്നാണ് യഥാര്‍ഥ പേര്.കെ ബാലചന്ദര്‍ സംവിധാനം ചെയ്ത വാനമേ എല്ലൈ (1992) എന്ന ചിത്രത്തിലൂടെയാണ് അരങ്ങേറ്റം. തെനാലി (2000) എന്ന ചിത്രത്തിലെ ഡയമണ്ട് ബാബു, ഫ്രണ്ട്‌സ് (2000)ലെ മാനേജര്‍ സുന്ദരേശന്‍ എന്നിവ ശ്രദ്ധേയ വേഷങ്ങളാണ്.

തേവര്‍ മകന്‍ (1992), സതി ലീലാവതി (1995), ചന്ദ്രമുഖി (2005), എതിര്‍ നീച്ചല്‍ (2013) എന്നിവ മദന്‍ ബോബ് വേഷമിട്ട് മറ്റ് പ്രധാന സിനിമകള്‍. തമിഴിന് പുറമെ മലയാളം, തെലുങ്ക്, ഹിന്ദി, സിനിമകളിലും അഭിനയിച്ചിട്ടുണ്ട്. ഭ്രമരം (2009), സെല്ലുലോയ്ഡ് (2013) എന്നിവയാണ് നടന്‍ അഭിനയിച്ചിട്ടുള്ള മലയാള ചിത്രങ്ങള്‍.

വെസ്റ്റേണ്‍ ക്ലാസിക്കല്‍ മ്യൂസിക്കിലും കര്‍ണാടക സംഗീതത്തിലും പരിശീലനം നേടിയിട്ടുണ്ട് മദന്‍ ബോബ്.