ചെന്നൈ: തമിഴ്നാടിന്റെ വിവിധ ഭാഗങ്ങളിലായി 4,900 കോടി ചെലവില്‍ പൂര്‍ത്തിയാക്കിയ പദ്ധതികള്‍ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. തൂത്തുക്കുടി വിമാനത്താവളത്തിന്റെ പുതിയ ടെര്‍മിനലും വിപുലീകരിച്ച റണ്‍വേയും ഇതില്‍ പെടും.
ചെട്ടിനാട് ശൈലിയിലുള്ള വാസ്തുവിദ്യയില്‍ 17,340 ചതുരശ്ര മീറ്റര്‍ വിസ്തീര്‍ണ്ണമുള്ള പുതിയ ടെര്‍മിനലാണ് നിര്‍മ്മിച്ചത്. 1,350 മീറ്റര്‍ നീളമുള്ള റണ്‍വേ 3,115 മീറ്ററായി വികസിപ്പിച്ചു, A320s, A321s പോലുള്ള വൈഡ് ബോഡി വിമാനങ്ങള്‍ കൈകാര്യം ചെയ്യുന്നതിനായി രാത്രി ലാന്‍ഡിംഗ് സൗകര്യവും ഒരുക്കിയിട്ടുണ്ട്. 21 ചെക്ക്-ഇന്‍ കൗണ്ടറുകള്‍, 7 ബാഗേജ് സ്‌കാനറുകള്‍, 3 എയ്റോബ്രിഡ്ജുകള്‍, 644 സീറ്റുകള്‍, അമ്മമാര്‍ക്കുള്ള ഫീഡിംഗ് റൂം, ഐസൊലേഷന്‍ ഏരിയകള്‍, 5 വിമാന പാര്‍ക്കിംഗ് ബേകള്‍, പൂര്‍ണ്ണമായും സജ്ജീകരിച്ച ഫയര്‍ സ്റ്റേഷന്‍ എന്നിവ പൂര്‍ത്തിയായി. മുമ്പ് 156 യാത്രക്കാരെ മാത്രമേ തൂത്തുക്കുടി വിമാനത്താവളത്തിന് കൈകാര്യം ചെയ്യാന്‍ കഴിയുമായിരുന്നുളളൂ.ഇപ്പോള്‍ മണിക്കൂറില്‍ 1,400 യാത്രക്കാരെ വരെ കൈകാര്യം ചെയ്യാന്‍ കഴിയും.
തമിഴ്നാട്ടില്‍ 4,900 കോടി മുടക്കി പൂര്‍ത്തിയാക്കിയ പദ്ധതികളുടെ ഉദ്ഘാടനം നിര്‍വഹിച്ച് പ്രധാനമന്ത്രി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.