മുംബൈ: ഇന്ത്യ അതിവേഗം ബുള്ളറ്റ് ട്രെയിന്‍ എന്ന സ്വപ്നത്തിലേക്ക് കുതിക്കുകയാണ്. മുംബൈയില്‍ നിന്നും അഹമ്മദാബാദിലേക്കാണ് ഇന്ത്യയുടെ ആദ്യ ബുള്ളറ്റ് ട്രെയിന്‍ ഓടുക. ഇതിന്റെ ഭാഗമായി ബാന്ദ്ര കുര്‍ള കോംപ്ലക്സിലെ തുരങ്കത്തിന്റെ ആദ്യഘട്ടമായി 2.7 കിലോമീറ്റര് ദൂരത്തിലുള്ള തുരങ്ക പാതയുടെ നിര്‍മ്മാണം പൂര്‍ത്തിയായി.
ബാന്ദ്ര കുര്‍ള കോംപ്ലക്സില്‍ നിന്നും ശില്‍ഫാട്ട വരെ 21 കിലോമീറ്റര് ദൂരത്തിലാണ് തുരങ്കം നിര്‍മ്മിക്കുന്നത്. ഇതില്‍ ഏഴ് കിലോമീറ്റര് കടലിനടിയിലൂടെയാണ്. ബാന്ദ്ര കുര്‍ള കോംപ്ലക്സില്‍ നിന്നും ആരംഭിക്കുന്ന തുരങ്കം വിക്രോളി, ഘണ്‍സോളി മേഖലയിലൂടെയാണ് കടന്നുപോകുന്നത്.
നാഷണല്‍ ഹൈസ്പീഡ് റെയില്‍ കോര്‍പറേഷനാണ് നിര്‍മ്മാണച്ചുമതല. ഇവരാണ് 2.7 കിലോമീറ്റര് തുരങ്കപാതയുടെ നിര്‍മ്മാണം പൂര്‍ത്തിയായതായി അറിയിച്ചത്.
ഇന്ത്യയുടെ ബുള്ളറ്റ് ട്രെയിന്‍ പദ്ധതിക്ക് താങ്ങായി നില്‍ക്കുന്നത് ജപ്പാന്‍
ഇന്ത്യയുടെ ബുള്ളറ്റ് ട്രെയിന്‍ പദ്ധതിക്ക് താങ്ങും തണലുമായി നില്‍ക്കുന്നത് ജപ്പാനാണ്. ജപ്പാനില്‍ നിന്നു തന്നെയാണ് ബുള്ളറ്റ് ട്രെയിന്‍ എത്തുക. ഷിന്‍കാന്‍സന്‍ ഇ3, ഇ5 എന്ന ബുള്ളറ്റ് ട്രെയിനാണ് ജപ്പാന്‍ നല്‍കുക. ജപ്പാന്‍ അവരുടെ ഏറ്റവും ആധുനികമായ ബുള്ളറ്റ് ട്രെയിനായ ഷിന്‍കാന്‍സന്‍ ശ്രേണിയില്‍പ്പെട്ട രണ്ട് ട്രെയിനുകള്‍ ഫ്രീയായാണ് നല്‍കുന്നത്.
മുംബൈയില്‍ നിന്നും അഹമ്മദാബാദിലേക്ക് 508 കിലോമീറ്റര് ദൂരത്തിലാണ് ബുള്ളറ്റ് ട്രെയിന്‍ പാത. 1.8 ലക്ഷം കോടി രൂപ ചെലവിലാണ് ബുള്ളറ്റ് ട്രെയിന്‍ പദ്ധതി. രണ്ട് തരം ബുള്ളറ്റ് ട്രെയിനുകളാണ് ഉണ്ടാവുക. ഇതില്‍ ലിമിറ്റഡ് മുംബൈയില്‍ നിന്നും അഹമ്മദാബാദിലേക്ക് രണ്ട് മണിക്കൂറില്‍ എത്താം.
സാദാ ബുള്ളറ്റ് ട്രെയിനാണെങ്കില്‍ രണ്ടര മണിക്കൂര്‍ എടുക്കും. ഒരു സംസ്ഥാനത്തെ ഒരു നഗരത്തില്‍ നിന്നും മറ്റൊരു നഗരത്തിലേക്ക് പോകുന്ന സമയം മാത്രം..പദ്ധതിക്കായി ഇതുവരെ 67000 കോടി രൂപ ചെലവഴിച്ചു.
വിമാനത്താവളത്തിന് സമാനമായ ട്രെയിന്‍ സ്റ്റേഷനുകള്‍
മുംബൈയ്‌ക്കും അഹമ്മദാബാദിനും ഇടയില്‍ വിമാനത്താവളത്തിന് സമാനമായ 12 സ്റ്റേഷനുകള്‍ നിര്‍മ്മിയ്‌ക്കും. മഹാരാഷ്‌ട്രയില്‍ നാല് സ്റ്റേഷനുകളും ഗുജറാത്തില്‍ എട്ട് സ്റ്റേഷനുകളും നിര്‍മ്മിയ്‌ക്കും.
ഗുജറാത്തില്‍ ത്വരിതനിര്‍മ്മാണം
ഗുജറാത്തില്‍ അതിവേഗമാണ് പണി പുരോഗമിക്കുന്നത്. 300 കിലോമീറ്റര് നിര്‍മ്മാണം പൂര്‍ത്തിയായി.
ബാന്ദ്ര കുര്‍ള കോംപ്ലക്സില്‍ 3നില ടെര്‍മിനസ്
ബാന്ദ്ര കുര്‍ള കോംപ്ലക്സില്‍ മൂന്ന് നില ഭൂഗര്‍ഭ നില ടെര്‍മിനസ് ആണ് നിര്‍മ്മിക്കപ്പെടുക. ഇതില്‍ താഴത്തെ ടെര്‍മിനസില്‍ ട്രെയിനുകള്‍ പാര്‍ക്ക് ചെയ്യുക. രണ്ടാമത്തെ നിലയിലായിരിക്കും ട്രെയിന്‍ സര്‍വ്വീസ.
