ടെഹ്‌റാൻ: ഇറാന്റെ തെക്കൻ പ്രവിശ്യയിൽ ഉണ്ടായ ബസ് അപകടത്തിൽ നിരവധി മരണം. അപകടത്തിൽ 21 പേരാണ് കൊല്ലപ്പെട്ടത്. ശനിയാഴ്ച സംസ്ഥാന മാധ്യമങ്ങൾ പുറത്തുവിട്ട റിപ്പോർട്ട് പ്രകാരം പ്രവിശ്യാ തലസ്ഥാനമായ ഷിറാസിന് തെക്ക് നടന്ന ഈ അപകടത്തിൽ മറ്റ് 34 പേർക്ക് പരിക്കേറ്റതായി ഫാർസ് പ്രവിശ്യയിലെ അടിയന്തര സംഘടനയുടെ തലവൻ മസൂദ് അബെദ് പറഞ്ഞു.
പ്രാഥമിക വിവരങ്ങൾ അനുസരിച്ച് ബസ് ഒരു ഇന്റർ-സിറ്റി യാത്രയിലായിരുന്നുവെന്നും യാത്രക്കാരിൽ ഭൂരിഭാഗവും കുടുംബാംഗങ്ങളാണെന്നും അവധിക്കാലം ആഘോഷിക്കാൻ പോയവരാണെന്നും പറയുന്നു. അതിവേഗതയിൽ ഒരു വളവിൽ ബസ് നിയന്ത്രണം നഷ്ടപ്പെട്ട് മറിഞ്ഞതായി പ്രാദേശിക ദൃക്‌സാക്ഷികൾ പറഞ്ഞു.
അതേ സമയം രക്ഷാപ്രവർത്തനം തുടരുകയാണെന്ന് മസൂദ് ആബെദ് പറഞ്ഞു. രക്ഷാപ്രവർത്തനം പൂർത്തിയാക്കി വിശദമായ അന്വേഷണത്തിന് ശേഷം കൂടുതൽ വിവരങ്ങളും അന്തിമ കണക്കുകളും അറിയിക്കുമെന്ന് അദ്ദേഹം പറഞ്ഞു.
രാവിലെ 11:05 നാണ് അപകടം നടന്നതെന്ന് ഫാർസ് പ്രവിശ്യയിലെ അടിയന്തര സംഘടനാ മേധാവി മസൂദ് അബെദ് പറഞ്ഞു. വിവരം ലഭിച്ചയുടൻ ദുരിതാശ്വാസ, രക്ഷാ സംഘം ഉടൻ സ്ഥലത്തെത്തി രക്ഷാപ്രവർത്തനം ആരംഭിച്ചു. ചിലരുടെ നില ഗുരുതരമാണെന്ന് പറയപ്പെടുന്നു.
അപകടത്തിന്റെ കൃത്യമായ കാരണം അന്വേഷിച്ചുവരികയാണെന്നും അന്വേഷണം പൂർത്തിയായ ശേഷം വിശദമായ വിവരങ്ങളും അന്തിമ കണക്കുകളും പുറത്തുവിടുമെന്നും മസൂദ് അബേദ് പറഞ്ഞു.
