ആഫ്രിക്കൻ രാജ്യമായ ഘാനയുടെ പ്രസിഡന്റ് മഹാമയോട് പോലും ഇസ്ലാം മതം സ്വീകരിക്കാൻ ആവശ്യപ്പെട്ട് ഇസ്ലാം പുരോഹിതൻ . ഷെയ്ഖ് അബ്ദുൾ മാലിക് മൈഗ എന്ന ഇസ്ലാമിക പുരോഹിതനാണ് ക്രിസ്ത്യൻ വിശ്വാസിയായ മഹാമയോട് ഇസ്ലാം മതം സ്വീകരിക്കാൻ ആവശ്യപ്പെട്ടത്.
കസോവയിൽ വെള്ളിയാഴ്ച പ്രാർത്ഥനകൾക്ക് ശേഷം ഷെയ്ഖ് അബ്ദുൾ മാലിക് മൈഗ ഇസ്ലാമിക പ്രഭാഷണം നടത്തിയിരുന്നു . ഇതിനിടയിൽ, അവിടെ സന്നിഹിതരായ മുസ്ലീങ്ങളെ അഭിസംബോധന ചെയ്ത് മാലിക് മൈഗ പറഞ്ഞത് പ്രസിഡന്റ് മഹാമയെ അള്ളാഹു അനുഗ്രഹിച്ചിട്ടുണ്ടെന്നായിരുന്നു . അതുകൊണ്ടാണ് മുൻ പ്രസിഡന്റ് ആറ്റ മിൽസിന്റെ മരണശേഷം 2012 ൽ അദ്ദേഹത്തിന് പ്രസിഡന്റ് സ്ഥാനം ഏറ്റെടുക്കാൻ കഴിഞ്ഞതെന്നും മാലിക് മൈഗ പറഞ്ഞു.
‘ അള്ളാഹു പ്രസിഡന്റ് മഹാമയോട് കരുണ കാണിച്ചിട്ടുണ്ടെന്നത് സത്യമാണ്. അദ്ദേഹത്തിന്റെ നേതൃത്വം ഘാനയ്‌ക്ക് ഒരു അനുഗ്രഹമാണ്. അള്ളാഹുവിന്റെ കാരുണ്യത്തിൽ തുടരണമെങ്കിൽ മഹാമ ഇസ്ലാം സ്വീകരിക്കണം. 2016 ൽ അധികാരം നഷ്ടപ്പെട്ട ശേഷം 2024 ൽ മഹാമ പ്രസിഡന്റ് സ്ഥാനത്തേക്ക് മടങ്ങിയെത്തിയ രീതി അള്ളാഹുവിന്റെ പദ്ധതിയുടെ തെളിവാണെന്നും ‘ മാലിക് മൈഗ പറഞ്ഞു.
അതേസമയം ഇതുവരെ ഘാന പ്രസിഡൻസിയോ നാഷണൽ ഡെമോക്രാറ്റിക് കോൺഗ്രസോ പുരോഹിതന്റെ ഈ പ്രസ്താവനയോട് ഒരു പ്രതികരണവും നൽകിയിട്ടില്ല.
