കോട്ടയം:അധ്യാപക പുനര്നിയമനത്തിന് കൈക്കൂലി വാങ്ങിയ കേസില് സെക്രട്ടറിയേറ്റ് ഉദ്യോഗസ്ഥന് അറസ്റ്റില്.പൊതു വിദ്യാഭ്യാസ വകുപ്പ് അസിസ്റ്റന്റ് സെഷന് ഓഫീസര് സുരേഷ് ബാബു ആണ് അറസ്റ്റിലായത്.
കോട്ടയം വിജിലന്സ് യൂണിറ്റാണ് അസിസ്റ്റന്റ് സെഷന് ഓഫീസര് സുരേഷ് ബാബുവിനെ അറസ്റ്റ് ചെയ്തത്. കേസില് വടകര സ്വദേശിയായ മുന് അധ്യാപകന് വിജയന് നേരത്തെ പിടിയിലായിരുന്നു.
ഫയലുകള് ശരിയാക്കി നല്കാമെന്ന് പറഞ്ഞ് പരാതിക്കാരില് നിന്നും ഒന്നര ലക്ഷം രൂപയാണ് പ്രതികള് കൈക്കൂലിയായി വാങ്ങിയത്.കോട്ടയത്തെ മൂന്ന് അധ്യാപകരുടെ പുനര്നിയമനം ക്രമപ്പെടുത്താന് സെക്രട്ടേറിയേറ്റിലെ പൊതുവിദ്യാഭ്യാസ വകുപ്പിലെ ഉദ്യോഗസ്ഥര്ക്ക് നല്കാനെന്ന് പറഞ്ഞാണ് വിജയന് 1.5 ലക്ഷം രൂപ കൈക്കൂലി വാങ്ങിയതെന്ന് വിജിലന്സ് അറിയിച്ചു.
