തിരുവനന്തപുരം: വീട്ടമ്മയുടെ മാല പൊട്ടിച്ച ശേഷം ഓടി കടലില്‍ ചാടിയ പ്രതിയെ പൊലീസും നാട്ടുകാരും തീര ദേശ പൊലീസും ചേര്‍ന്ന് പിടികൂടി. കഠിനംകുളം പുതുക്കുറിച്ചി സ്വദേശി സുഹൈലിനെയാണ് പിടികൂടിയത്. പുതുക്കുറിച്ചി സ്വദേശിനി ജുബൈറയുടെ മാലയാണ് ഇയാള്‍ പൊട്ടിച്ചത്.
ബുധനാഴ്ച വൈകുന്നേരമാണ് സംഭവം .പൊലീസ് പിന്തുടര്‍ന്ന് പിടികൂടാന്‍ ശ്രമിക്കവെ പ്രതി കടലില്‍ ചാടി.
സുഹൈല്‍ ഇന്ന് വൈകിട്ട് നാലുമണിയോടുകൂടി പുതുക്കുറിച്ചിയിലുള്ള ബ്രദേഴ്‌സ് ചിക്കന്‍ എന്ന കടയില്‍ നിന്നും ഉടമയെ വെട്ടുകത്തി കാട്ടി ഭീഷണിപ്പെടുത്തി പ്രതി 5000 രൂപ പിടിച്ചുപറിച്ചിരുന്നു. തുടര്‍ന്ന് കടയുടമ കഠിനംകുളം പൊലീസില്‍ പരാതി നല്‍കി. ഈ കേസില്‍ പൊലീസ് സുഹൈലിനെ പിന്തുടര്‍ന്ന് പിടികൂടാന്‍ ശ്രമിക്കവേ ഓടിക്കയറിയ വീട്ടിലെ വീട്ടമ്മയുടെ സ്വര്‍ണ മാല പൊട്ടിച്ച് ഓടുകയായിരുന്നു.
