ഇസ്ലാമാബാദ് : പാകിസ്ഥാൻ ഇസ്രായേലിനെതിരെ ആണവ ആക്രമണം നടത്തി തിരിച്ചടിക്കുമെന്ന് ഇറാനിയൻ ജനറൽ പറയുന്നതായി കാണിക്കുന്ന വീഡിയോ ക്ലിപ്പ് “കെട്ടിച്ചമച്ചതാണ്” എന്ന് പാകിസ്ഥാൻ വിദേശകാര്യ മന്ത്രി ഇഷാഖ് ദാർ . ഇസ്രായേൽ ഇറാനെതിരെ ആണവ ആക്രമണം നടത്തിയാൽ പാകിസ്ഥാൻ ഇറാനെ ആക്രമിക്കുമെന്ന് ഇറാനിയൻ ജനറൽ പറയുന്ന ദൃശ്യങ്ങൾ കഴിഞ്ഞ ദിവസമാണ് പുറത്ത് വന്നത് . എന്നാൽ ഇഷാഖ് ദാർ ഇതിനെ നിരുത്തരവാദപരവും വ്യാജവുമായ വാർത്ത എന്നാണ് വിശേഷിപ്പിച്ചത് . ബ്രിട്ടീഷ് വാർത്താ ഏജൻസി ഏറ്റെടുത്ത് സത്യം അറിയാതെ പ്രസിദ്ധീകരിച്ചതാണീതെന്നും ഇഷാഖ് ദാർ പറഞ്ഞു.
“ ഞങ്ങൾ അത്തരമൊരു പ്രസ്താവന നടത്തിയിട്ടില്ല. ഈ അവകാശവാദവും വീഡിയോയും പൂർണ്ണമായും കെട്ടിച്ചമച്ചതാണ് . 1998 മുതൽ പാകിസ്ഥാന്റെ ആണവ നയത്തിൽ മാറ്റമൊന്നും വന്നിട്ടില്ല. ആ സമയത്തും ഇത് പാകിസ്ഥാന്റെ പ്രഖ്യാപിത നയമാണെന്ന് ഞങ്ങൾ പറഞ്ഞിരുന്നു. ഇത് സ്വയം പ്രതിരോധത്തിനുവേണ്ടിയാണ്. ഇതാണ് ഞങ്ങളുടെ പ്രതിരോധ ശക്തി. മേഖലയിലെ സമത്വം, സമാധാനം, സുരക്ഷ എന്നിവയ്ക്ക് ഇത് ആവശ്യമായിരുന്നു. പക്ഷെ ഇസ്രായേൽ പാകിസ്ഥാനിലേക്ക് നോക്കാൻ ധൈര്യപ്പെടരുത്. ഇസ്രായേലിന്റെ ഏതൊരു ദുരുദ്ദേശ്യത്തിനും മറുപടി നൽകാൻ പാകിസ്ഥാന് പൂർണ്ണ അധികാരമുണ്ട് , കരുത്തുമുണ്ട് . നമ്മുടെ സായുധ സേന പൂർണ്ണമായും ജാഗ്രത പാലിക്കുന്നു “ ഇഷാഖ് ദാർ പറഞ്ഞു.
