ഇറാനെ പേടിച്ച് നെതന്യാഹു ഗ്രീസില്‍ ഒളിച്ചിരിക്കുന്നുവെന്ന് മീഡിയാവണ്‍ നുണ; അതാ നെതന്യാഹു ടെല്‍ അവീവില്‍ നില്‍ക്കുന്നെന്ന് ശ്രീജിത് പണിക്കര്‍

തിരുവനന്തപുരം: ഇറാനെ പേടിച്ച് ബെഞ്ചമിന്‍ നെതന്യാഹു ഗ്രീസിലെ ആതന്‍സില്‍ ഒളിച്ചിരിക്കുന്നുവെന്ന് മീഡിയാവണ്‍ ജേണലിസ്റ്റിന്റെ നുണ. അതിനെ പൊളിച്ചടുക്കിക്കൊണ്ട് സമൂഹമാധ്യമപോസ്റ്റുമായി എത്തിയിരിക്കുകയാണ് ശ്രീജിത് പണിക്കര്‍. മീഡിയ വണ്‍ ജേണലിസ്റ്റിന്റെ നുണ വാര്‍ത്ത കേട്ട് തല തിരിക്കുമ്പോഴേക്കും ടിവിയില്‍ ഇസ്രയേലിലെ ടെല്‍ അവീവില്‍ നില്‍ക്കുന്ന ബെഞ്ചമിന്‍ നെതന്യാഹുവിന്റെ വീഡിയോ ദൃശ്യം കണ്ടുവെന്നാണ് ശ്രീജിത് പണിക്കര്‍ സമൂഹമാധ്യമപോസ്റ്റില്‍ കുറിച്ചത്.

ബാക്കി ആളുകൾ മരിച്ചോട്ടെ എന്നുകരുതി, തന്റെ തടി സലാമത്താക്കിയ ബെഞ്ചമിൻ നെതന്യാഹു ഇപ്പോൾ ഗ്രീസിലെ ആതൻസിലാണ് ഉള്ളതെന്ന് മീഡിയാ വണ്ണിലെ ഈ അഖിലലോക വിദേശകാര്യ വിദഗ്‌ദ്ധൻ പറഞ്ഞ് നാവ് വായിലേക്കിട്ടതും അതാ നെതന്യാഹു ഇസ്രായേലിൽ ടെൽ അവീവിന് തെക്ക് ബാറ്റ് യാം എന്ന സ്ഥലത്ത് നിൽക്കുന്നു. തികഞ്ഞ… pic.twitter.com/oCQYq5moj8

— Sreejith Panickar (@PanickarS) June 16, 2025

ഇതാണ് ശ്രീജിത് പണിക്കരുടെ പോസ്റ്റ്:

“ബാക്കി ആളുകൾ മരിച്ചോട്ടെ എന്നുകരുതി, തന്റെ തടി സലാമത്താക്കിയ ബെഞ്ചമിൻ നെതന്യാഹു ഇപ്പോൾ ഗ്രീസിലെ ആതൻസിലാണ് ഉള്ളതെന്ന് മീഡിയാ വണ്ണിലെ ഈ അഖിലലോക വിദേശകാര്യ വിദഗ്‌ദ്ധൻ പറഞ്ഞ് നാവ് വായിലേക്കിട്ടതും അതാ നെതന്യാഹു ഇസ്രായേലിൽ ടെൽ അവീവിന് തെക്ക് ബാറ്റ് യാം എന്ന സ്ഥലത്ത് നിൽക്കുന്നു. തികഞ്ഞ ആത്മവിശ്വാസത്തോടെ അടിക്കുന്ന ഈ വക ഗുണ്ടൊക്കെ വിശ്വസിക്കുന്ന സുഡുക്കളെ സമ്മതിക്കണം! ”

മീഡിയാ വണ്ണിലെ ചര്‍ച്ചയിലാണ് കഴിഞ്ഞ ദിവസം മാധ്യമപ്രവര്‍ത്തകന്‍ ഇറാനെ പേടിച്ച് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു ഗ്രീസിലെ ആതന്‍സില്‍ ഒളിച്ചിരിക്കുകയാണെന്ന വാര്‍ത്ത അടിച്ചുവിട്ടത്. ആയത്തൊള്ള ഖമനേയിയെ വധിക്കുമെന്ന ബെഞ്ചമിന്‍ നെതന്യാഹുവിന്റെ ഭീഷണിയെ തുടര്‍ന്ന് ഇറാന്റെ ആത്മീയ നേതാവ് ആയത്തൊള്ള ഖമനേയി ഒളിവില്‍ പോയതായി വാര്‍ത്ത പ്രചരിച്ചിരുന്നു. ഇതിന്റെ കൗണ്ടര്‍ ചെയ്യാനായിരുന്നു മീഡിയാവണ്‍ ജേണലിസ്റ്റ് ഈ ഫേക്ക് ന്യൂസ് പുറത്തുവിട്ടത്.