ന്യൂദല്ഹി: അമേരിക്കയുടെ വ്യോമപ്പതിരോധ സംവിധാനമായ ഗോള്ഡന് ഡോമിന് ബദലായി ഡിആര്ഡിഒ ഭാരതത്തിന്റെ പുതിയ പ്രതിരോധ സംവിധാനം തയാറാക്കുന്നു. ഒപ്റ്റോണിക് ഷീല്ഡ്’ എന്നു പേരിട്ടിരിക്കുന്ന സംവിധാനത്തിന് കരയിലൂടെയും ആകാശത്തിലൂടെയുമുള്ള ആക്രമണങ്ങളെപ്പറ്റി മുന്കൂട്ടി വിവരം നല്കി പ്രതിരോധത്തിന് സജ്ജമാക്കാനാവും.
നിലവില് ഡിആര്ഡിഒ വികസിപ്പിച്ച വിവിധ പ്രതിരോധ സാങ്കേതിക വിദ്യകള് ഇതിലുള്പ്പെടും. വിവിധ പ്രതിരോധ സംവിധാനങ്ങളുടെയും സാങ്കേതിക വിദ്യകളുടെയും ഉപഗ്രഹങ്ങളുടേയുമെല്ലാം ശൃംഖലയായി ഒപ്റ്റോണിക് ഷീല്ഡ് പ്രവര്ത്തിക്കും. സ്മാര്ട്ട് ഇലക്ട്രൊ ഒപ്റ്റിക്കല് ട്രാക്കിങ് എന്നാണ് ഒപ്റ്റോണിക് ഷീല്ഡിന്റെ വിശേഷണം. ലേസര് വാണിങ് സംവിധാനം, ഡയറക്ട് എനര്ജി ആയുധങ്ങള്, സാറ്റലൈറ്റുകളും റഡാറുകളും ഉള്പ്പെടെ ഉപയോഗിച്ചുള്ള നിരീക്ഷണം, തുടങ്ങിയവ ഉള്പ്പെടുന്നതാണ് ഒപ്റ്റോണിക് ഷീല്ഡ്.
