ആലപ്പുഴ: വീടുകള്ക്ക് തീപിടിച്ചത് ആശങ്ക സൃഷ്ടിച്ചു. മുല്ലയ്ക്കല് തെരുവിലെ സമുഹമഠത്തിലാണ് അഗ്നിബാധ. ആദ്യ ഘട്ടത്തില് രണ്ട് വീടുകള്ക്കാണ് തീപിടിച്ചത്. പിന്നീട് സമീപത്തുള്ള വീടുകളിലേക്കും പടര്ന്നു.
ആകെ നാല് വീടുകള്ക്കാണ് തീപിടിച്ചതെന്ന് അഗ്നിരക്ഷാ സേന അധികൃതര് പറഞ്ഞു. വീടുകളില് ആളില്ലാതിരുന്നത് വന് അപകടം ഒഴിവാക്കി. ഷോര്ട് സര്ക്യൂട്ട് ആണ് കാരണമെന്ന് പ്രാഥമിക നിഗമനം.
നിലവില് അഗ്നിരക്ഷാ സേന പ്രാഥമിക പരിശോധന നടത്തി. ഒരു വീട്ടിലെ ഇന്വെര്ട്ടറില് നിന്നും തീ പടര്ന്നതാണ് കാരണമെന്നാണ് അഗ്നിരക്ഷാ സേന പറയുന്നത്. മുല്ലയ്ക്കല് തെരുവിലെ ബ്രാഹ്മണ മഠത്തിലാണ് സംഭവം. ഇവിടെ 15 വീടുകളാണുള്ളത്.തീ പടര്ന്ന നാലു വീടുകളിലെയും ആളുകള് സമീപത്തെ ക്ഷേത്രത്തില് ഉത്സവത്തിനായി പോയിരിക്കുകയായിരുന്നു. അഗ്നിരക്ഷാ സേന തീ അണച്ചു.
