ന്യൂദല്ഹി: ഇന്ത്യയുടെ സമ്പദ് ഘടന 2047ഓടെ 30 ലക്ഷം കോടി ഡോളര് ആയി ഉയരുമെന്ന് ജി20 ഷേര്പ്പ അമിതാഭ് കാന്ത്. ഇന്ത്യയുടെ ജനസംഖ്യയില് കൂടുതലും യുവാക്കള് ആയതാണ് ഈ കുതിപ്പിന് സഹായകരമാവുക എന്നും അമിതാഭ് കാന്ത് പറഞ്ഞു. ജി20യിലെ അംഗരാഷ്ട്രങ്ങളുടെ തലവന്മാരുമായും സര്ക്കാര് മേധാവികളുമായും കൂടിക്കാഴ്ച നടത്തി ചർച്ചാപ്രബന്ധങ്ങളും കരാറുകളും ജി20 ഉച്ചകോടിയിലേക്ക് കൊണ്ടുപോകുന്ന ഇന്ത്യയുടെ നേതാവാണ് ജി20 ഷേര്പ്പയായ അമിതാഭ് കാന്ത്.
ഇന്ത്യ ബേബി ബൂമേഴ്സിന്റെ രാജ്യമാണ്. അതിനാല് ഇന്ത്യ യുവാക്കളുടെ രാജ്യമാണ്. ഇവിടെ ശരാശരി പ്രായം 28 ആണ്. ജപ്പാന് എന്നത് വയസ്സാന്മാരുടെ രാജ്യമായി മാറി. ചൈനയിലും ജനസംഖ്യ കൂടുതല് പ്രായമുള്ളവരുടേതായി മാറിക്കൊണ്ടിരിക്കുന്നു. – അമിതാഭ് കാന്ത് പറയുന്നു.
രാജ്യത്തെ സമ്പദ്ഘടന 2047ല് 30 ലക്ഷം കോടി ഡോളര് ആയി ഉയരും. ഇപ്പോള് നാല് ലക്ഷം കോടിയാണ് ഇന്ത്യയുടെ സമ്പദ്ഘടന. ഇപ്പോള് ഇന്ത്യ ലോകത്തെ നാലാമത്തെ വലിയ സമ്പദ് ശക്തിയായ ജപ്പാനെ മറികടക്കാന് പോവുകയാണ്. – അമിതാഭ് കാന്ത് പറഞ്ഞു.
ഇന്ത്യയില് പുതിയ 50 നഗരങ്ങള് കൂടി ഉയരും
ഇന്ത്യയില് ഇനി500 പുതിയ നഗരങ്ങള് കൂടി സൃഷ്ടിക്കേണ്ടതുണ്ട്. കാരണം 50 ലക്ഷം ആളുകളാണ് നഗരങ്ങളിലേക്ക് ചേക്കാറാന് പോകുന്നത്. അത്രയ്ക്ക് വേഗത്തിലാണ് ഇന്ത്യയിലെ നഗരവല്ക്കരണം നടക്കുക.
അഞ്ച് വര്ഷത്തില് ഇന്ത്യയില് ഒരു ചിക്കാഗോ നഗരം ഉയരും
ഓരോ അഞ്ച് വര്ഷത്തിലും പുതിയ ഒരു ചിക്കാഗോ സൃഷ്ടിക്കുക എന്നതാണ് ഇന്ത്യയുടെ വെല്ലുവിളി. അമേരിക്കയിലെ ചിക്കാഗോ നഗരം പോലെ വന്നഗരം ഓരോ അഞ്ച് വര്ഷത്തിലും സൃഷ്ടിക്കപ്പെടും. അടുത്ത 50 വര്ഷത്തിനുള്ളില് ഇന്ത്യയില് രണ്ട് അമേരിക്കകള് കൂടി സൃഷ്ടിക്കപ്പെടും. ഇതാണ് ഇന്ത്യയുടെ മുന്നിലുള്ള യഥാര്ത്ഥ വെല്ലുവിളി.
ഇന്ത്യയില് 400 എയര്പോര്ടുകള് വരും
ഇപ്പോള് പ്രവര്ത്തനക്ഷമമായ 150 വിമാനത്താവളങ്ങള് ഇന്ത്യയില് ഉണ്ട്. പക്ഷെ 400 എയര്പോര്ടുകള് കൂടി ഇന്ത്യയില് സൃഷ്ടിക്കേണ്ടതായി വരും. – അദ്ദേഹം പറഞ്ഞു.
