മലപ്പുറം : നിലമ്പൂരില്‍ പി വി അന്‍വര്‍ തൃണമൂല്‍ കോണ്‍ഗ്രസ് സ്ഥാനാര്‍ഥിയാകും.വ്യാഴാഴ്ച ചേര്‍ന്ന തൃണമൂല്‍ കോണ്‍ഗ്രസ് സെക്രട്ടേറിയറ്റിലാണ് ധാരണ.
വെളളിയാഴ്ച ചേരുന്ന സംസ്ഥാന പ്രവര്‍ത്തക സമിതിയില്‍ അവതരിപ്പിച്ച് അംഗീകാരം നേടിയ ശേഷമായിരിക്കും പ്രഖ്യാപനം. എന്നാല്‍ യുഡിഎഫ് ഘടകകക്ഷിയാക്കിയാല്‍ പി വി അന്‍വറും തൃണമൂല്‍ കോണ്‍ഗ്രസും ചേര്‍ന്ന് ആര്യാടന്‍ ഷൗക്കത്തിന്റെ വിജയത്തിനായി പ്രവര്‍ത്തിക്കും. വിജയിപ്പിക്കുകയും ചെയ്യും .
പി വി അന്‍വര്‍ ഒപ്പം ഇറങ്ങിയാല്‍ ആര്യാടന്‍ ഷൗക്കത്തിന്റെ വിജയം ഉറപ്പാണെന്ന് തൃണമൂല്‍ കോണ്‍ഗ്രസ് നേതാക്കള്‍ പറഞ്ഞു.
സിപിഎമ്മിനെതിരെ ശബ്ദമുയര്‍ത്തിവന്ന പി വി അന്‍വറിനെ കൈ ചേര്‍ത്ത് പിടിച്ച് കൂടെ കൂട്ടേണ്ടത് യുഡിഎഫ് നേതാക്കളാണ്. പിണറായിസത്തിനെതിരെയാണ് പി വി അന്‍വര്‍ ത്യാഗം സഹിച്ച് ഇറങ്ങിവന്ന് രാജിവെച്ചതും നിലമ്പൂരില്‍ തിരഞ്ഞെടുപ്പ് സാഹചര്യം ഉണ്ടാക്കിയതും. അദ്ദേഹത്തെ ചേര്‍ത്ത് പിടിക്കേണ്ടത് യുഡിഎഫ് നേതൃത്വമാണെന്ന് തൃണമൂല്‍ നേതാക്കള്‍ പറഞ്ഞു.
