ഇന്ദിര ഗാന്ധി പട്ടാളക്കാരനൊപ്പം തുരങ്കം പരിശോധിക്കുന്നു ; വൈഷ്ണോദേവി ഗുഹയിൽ നിൽക്കുന്ന ഫോട്ടോ വച്ച് നാട്ടുകാരെ പറ്റിച്ച് യൂത്ത് കോൺഗ്രസ്

കൊച്ചി : ഇന്ത്യ -പാക് സംഘർഷം ശമിക്കുന്നതിനു പിന്നാലെ കുത്തിതിരിപ്പ് പോസ്റ്റുമായി യൂത്ത് കോൺഗ്രസ് .‘ ഇന്ത്യയുടെ ഉരുക്ക് വനിതാ ഇന്ദിര ഗാന്ധി 1971 ലെ ഇന്ത്യ, പാകിസ്ഥാൻ യുദ്ധത്തിൽ ഒരു ഇന്ത്യൻ പട്ടാളക്കാരന്റെ ഒപ്പം പാക്ക് അതിർത്തിയിലെ തുരങ്കം പരിശോധിക്കുന്ന അപൂർവ ഫോട്ടോ ‘ എന്ന ക്യാപ്ഷനോടെയാണ് യൂത്ത് കോൺഗ്രസ് ഇന്ദിരാഗാന്ധിയുടേ ചിത്രം ഫേസ്ബുക്കിൽ പോസ്റ്റ് ചെയ്തത് .

എന്നാൽ 1970-ൽ ഇന്ദിരാഗാന്ധി വൈഷ്ണോദേവി ക്ഷേത്രം ദർശിക്കാൻ എത്തിയ സമയത്ത് ഗുഹയിൽ പ്രവേശിച്ചതിന്റെ ചിത്രമാണിതെന്ന് പോലും അറിയാതെയാണ് യൂത്ത് കോൺഗ്രസിന്റെ ഈ പ്രഹസനം .

‘ ഈ യുദ്ധത്തിലാണ് 92000 പാകിസ്ഥാൻ പട്ടാളക്കാർ ഇന്ത്യയ്‌ക്ക് മുന്നിൽ ആയുധം വച്ചു കിഴടങ്ങിയതും, ഇന്ത്യ പാകിസ്ഥാനെ രണ്ടായി മുറിച്ചു ബംഗ്ലാദേശിനെ വിമോചിപ്പിച്ചതും. തോറ്റ് തുന്നം പാടിയ പാകിസ്ഥാന്റെ സഹായത്തിനു എത്തിയ അമേരിക്കയോട് പോടാ പുല്ലേ അമേരിക്ക എന്ന് പറഞ്ഞ ഇന്ദിര ഇന്ത്യൻ മഹാ സമുദ്രത്തിൽ ഇന്ത്യയെ ആക്രമിക്കാൻ എത്തിയ അമേരിക്കയുടെ ഏഴാo കപ്പൽ പടയെ നേരിടാൻ സോവിയറ്റ് യൂണിയന്റെ ന്യൂക്ലിയർ അന്തർ വാഹിനിയെ വിളിച്ചു വരുത്തിയതും 1971 ലെ യുദ്ധത്തിലാണ്. അന്ന് അമേരിക്കയും, ബ്രിട്ടനും, അടക്കമുള്ള എല്ലാ വെസ്റ്റേൺ രാജ്യങ്ങളും, അറബ് രാജ്യ ങ്ങളും, ചൈനയും ഇന്ത്യക്ക്‌ എതിരെ നിന്നപ്പോൾ സോവിയറ്റ് യൂണിയൻ മാത്രമേ ഇന്ത്യക്ക്‌ ഒപ്പം ഉണ്ടായിരുന്നുള്ളു..
India’s great prime minister late sri Indira Gandhi during the 1971 India Pakistan war. 🇮🇳. Pakistan never want to rember 1971 war 😁During the war India liberated Bangladesh. ‘ എന്നൊക്കെയുള്ള വീരവാദങ്ങളും ചിത്രത്തിനൊപ്പമുണ്ട്.

ഇന്ദിരാഗാന്ധിയുടെ ഈ ചിത്രം സോഷ്യൽ മീഡിയ മുതൽ പത്രങ്ങൾ വരെ എല്ലായിടത്തും കാണാം. എന്നിട്ടും അത് പോലും മനസിലാക്കാതെയാണ് ഇന്ദിര തുരങ്കം പരിശോധിക്കുന്നെന്ന പേരിൽ യൂത്ത് കോൺഗ്രസ് ഈ ചിത്രം പോസ്റ്റ് ചെയ്തത്. നിരവധി പേരാണ് യൂത്ത് കോൺഗ്രസിനെ പരിഹസിച്ച് പോസ്റ്റിനു താഴെ കമന്റ് ചെയ്തിരിക്കുന്നത് .

എത്ര വിദഗ്ധമായാണ് നിങ്ങൾ ജനങ്ങളെ പറ്റിക്കാൻ ശ്രമിക്കുന്നതെന്നാണ് ചിലർ ചോദിക്കുന്നത് . തലയ്‌ക്ക് വെളിവില്ലാത്ത ഊത്തന്മാരെ പറ്റിക്കുന്ന പോലെ എല്ലാവരെയും പറ്റിക്കാം എന്ന് കരുതരുത്, ഒരു മയത്തിലൊക്കെ തള്ളി വിടൂ എന്നൊക്കെയാണ് കമന്റുകൾ .