ന്യൂദൽഹി : ജഗദ്ഗുരു ബസവേശ്വരന്റെ ജന്മദിനം പാർലമെന്റ് ഹൗസിൽ ആഘോഷിക്കാൻ തീരുമാനം . ഏപ്രിൽ 30 നാണ് ബസവേശ്വര ജയന്തി . ഇതാദ്യമായാണ് പുതിയ പാർലമെന്റ് മന്ദിരത്തിൽ ബസവേശ്വര ജയന്തി ആഘോഷിക്കുന്നത്. തീരുമാനിച്ചു. ഇതുസംബന്ധിച്ച് കേന്ദ്രമന്ത്രി വി. സോമണ്ണ പാർലമെന്റ് ഉദ്യോഗസ്ഥരുടെ പ്രാഥമിക യോഗം വിളിച്ചു ചേർത്തു.
ലോക്സഭാ സ്പീക്കർ ഓം ബിർള ചടങ്ങിന് അനുമതി നൽകി. ബസവ ജയന്തി പരിപാടിയിൽ വിശിഷ്ടാതിഥികൾ പങ്കെടുക്കും. കർണാടകയിൽ നിന്നുള്ള ബസവ ആരാധകരും മഠാധിപതികളും എത്തും. പരിപാടിയിൽ പങ്കെടുക്കുന്നവർ ആധാർ കാർഡ് നൽകേണ്ടത് നിർബന്ധമാണെന്നും ഉദ്യോഗസ്ഥർ പറഞ്ഞു.
പാർലമെന്റ് മന്ദിരത്തിന്റെ ചുമരിൽ ഹംപിയിലെ ശിലാരഥം കൊത്തിവച്ചിട്ടുണ്ട്. ബസവേശ്വരൻ ഉൾപ്പെടെയുള്ള മഹാനായ തത്ത്വചിന്തകരുടെ ചിത്രങ്ങൾ ഈ ശിലാരഥത്തിൽ സ്ഥാപിച്ചിട്ടുണ്ട് . ഇതിനടുത്തുള്ള ചുമരിൽ ബസവേശ്വരന്റെ വാക്കുകളും ഇടം പിടിച്ചിട്ടുണ്ട്.
