കോട്ടയം: തിരഞ്ഞെടുപ്പ് ജയിക്കാന്‍ ഏതറ്റം വരെയും പോകുന്ന സിപിഎം ഒഴുക്കുന്ന രക്തത്തില്‍ തങ്ങള്‍ക്ക് പങ്കില്ലെന്ന് ആവര്‍ത്തിച്ച് സിപിഐ. പാലക്കാട് ഉപതിരഞ്ഞെടുപ്പിനോടനുബന്ധിച്ച് ചില പത്രങ്ങളില്‍ സിപിഎം നല്‍കിയ പരസ്യത്തെയാണ് ഏറ്റവും ഒടുവില്‍ സിപിഐ തള്ളിപ്പറഞ്ഞത്. ഇടതു മുന്നണിയെന്ന ലേബല്‍ ഉപയോഗിച്ച് വല്ല്യേട്ടന്‍ കാട്ടിക്കൂട്ടുന്ന എല്ലാത്തിനും തങ്ങള്‍ പിന്തുണയ്‌ക്കില്ലെന്ന നിലപാടാണ് ഇക്കാര്യത്തിലും സിപിഐയ്‌ക്ക്.
മുസ്‌ളീം അനുകൂല പത്രങ്ങളില്‍ പരസ്യം നല്‍കാന്‍ ഇടതുമുന്നണിയാണ് തീരുമാനിച്ചതെന്ന സിപിഎം നിലപാട് ശരിയല്ലെന്ന് സിപിഐ പാലക്കാട് ജില്ലാ ഘടകം വ്യക്തമാക്കി. ഇത്രയ്ക്ക് പച്ചയായ വര്‍ഗീയത പറയുന്നത് സിപിഐയുടെ നയമല്ലെന്നും അവര്‍ പറഞ്ഞു.
പാലക്കാട് ഉപതെരഞ്ഞെടുപ്പിന്റെ തലേന്ന് മുസ്ലിം ജനവിഭാഗങ്ങള്‍ വായിക്കുന്ന സിറാജ്, സുപ്രഭാതം എന്നീപത്രങ്ങളില്‍ വന്ന പരസ്യം വിവാദമായിരുന്നു. സുപ്രഭാതത്തില്‍ വന്ന പരസ്യത്തെ സമസ്ത കേരള ജംഇയ്യത്തുല്‍ ഉലമയും തള്ളിപ്പ റഞ്ഞിട്ടുണ്ട് . ഏതെങ്കിലും മുന്നണിയെയും പാര്‍ട്ടിയെയും വിജയിപ്പിക്കണമെന്ന് അഭ്യര്‍ത്ഥിക്കുന്ന പാരമ്പര്യം സമസ്തക്കില്ലെന്നും അവര്‍ വ്യക്തമാക്കി.
