മൂന്നാര്: സീപ്ലെയിന് പദ്ധതിയില് മാട്ടുപ്പെട്ടി ഡാമിനെ ഉള്പ്പെടുത്തിയതില് ആശങ്ക അറിയിച്ച് വനം വകുപ്പ്. ഡാം ആനത്താരയുടെ ഭാഗമാണെന്നതാണ് വനം വകുപ്പ് ചൂണ്ടിക്കാട്ടുന്ന പ്രശ്നം. ആനകള് ഡാം മുറിച്ചുകടന്ന് ഇക്കോ പോയന്റിലേക്ക് ഇറങ്ങുന്നുണ്ട്. വിമാനം ഇറങ്ങുന്നത് ആനകളില് പ്രകോപനമുണ്ടാക്കാന് കാരണമാകുമെന്നും സംയുക്ത പരിശോധനയില് വനംവകുപ്പ് അറിയിച്ചു.
അതേമസയം സീപ്ലെയിനുമായി ബന്ധപ്പെട്ട എല്ലാ ആശങ്കയും പരിഹരിക്കുമെന്ന് മന്ത്രി പി. രാജീവ് അറിയിച്ചു. സംസ്ഥാനത്തെ വിനോദസഞ്ചാര മേഖലയ്ക്ക് ഊര്ജം പകരാണ് സീ പ്ലെയിനിന്റെ പരീക്ഷണ പറക്കല് നടത്തിയത്. കൊച്ചി ബോള്ഗാട്ടി മറീനയില് നിന്ന് ടെയ്ക്ക് ഓഫ് ചെയ്ത വിമാനം ഇടുക്കി മാട്ടുപ്പെട്ടി ഡാമില് വിജയകരമായി ലാന്ഡ് ചെയ്തു.
ഇരട്ടയെഞ്ചിനുള്ള 19 സീറ്റര് വിമാനമാണ് സര്വീസിനായി ഉപയോഗിക്കുന്നത്. ഏത് ചെറു ജലാശയത്തിലും എളുപ്പത്തില് ഇറക്കാന് സാധിക്കുമെന്നതാണ് ഈ വിമാനത്തിന്റെ പ്രത്യകത. ചെറുവിമാനത്താവളങ്ങളേയും ജലാശയങ്ങളേയും ബന്ധിപ്പിക്കുകയെന്നതാണ് സീ പ്ലെയിന് പദ്ധതിയുടെ ലക്ഷ്യം. കൊച്ചിയില് നിന്ന് മൂന്നാറിലെത്താന് വെറും 30 മിനുട്ട് മതിയെന്നതാണ് ഈ പദ്ധതിയുടെ പ്രധാന ആകര്ഷണം.
തെളിഞ്ഞ അന്തരീക്ഷത്തിലാണ് വിമാനം ഡാമിലേക്ക് ഇറങ്ങിയത്. ഏതാണ്ട് മൂന്ന് കിലോമീറ്റര് വിശാലമായിക്കിടക്കുന്ന ജലപ്പരപ്പാണ് മാട്ടുപ്പെട്ടി ഡാമിലേത്. എല്ലാ കാലത്തും വെള്ളമുണ്ടെന്നുള്ളതാണ് വലിയ പ്രത്യേകത.
