കാസര്കോട്: തിരുവനന്തപുരം-കാസര്കോട് വന്ദേഭാരത് ട്രെയിന് ദുരന്തത്തില് നിന്ന് രക്ഷപ്പെട്ടത് തലനാരിഴയ്ക്ക് . ട്രെയിന് കടന്ന് വരവെ പയ്യന്നൂര് റെയില്വേ സ്റ്റേഷന് ട്രാക്കില് നിര്മ്മാണ പ്രവര്ത്തനത്തിനായി കൊണ്ടുവന്ന വാഹനം കയറിയുകയായിരുന്നു.
ഇത് കണ്ട ഉടന് തന്നെ ലോക്കോ പൈലറ്റ് സന്ധന് ബ്രേക്ക് ഇട്ടതിനാല് അപകടം ഒഴിവായി.ശനിയാഴ്ച ഉച്ചക്ക് 12.30 ഓടെയാണ് സംഭവം.
അമൃത് ഭാരത് പദ്ധതിയില് പയ്യന്നൂര് റെയില്വേ സ്റ്റേഷനില് നിര്മ്മാണ പ്രവര്ത്തനങ്ങള് നടക്കുകയാണ്. ഇതിനായി കൊണ്ടു വന്ന കോണ്ക്രീറ്റ് മിക്സിംഗ് യന്ത്രമടങ്ങിയ വാഹനമാണ് ട്രാക്കില് കയറിയത്.
അതേസമയം, വാഹനമോടിച്ച ഡ്രൈവറെ പൊലീസ് കസ്റ്റഡിയിലെടുത്തു. ഇയാള്ക്കെതിരെ നടപടി ഉണ്ടാകുമെന്ന് പൊലീസ് അറിയിച്ചു.
