ന്യൂദല്‍ഹി: ജമ്മു കശ്മീരിലെ ഗന്ദര്‍ബാല്‍ ജില്ലയിലുണ്ടായ ഭീകരാക്രമണം സംബന്ധിച്ച കേസിന്റെ അന്വേഷണ ചുമതല ഏറ്റെടുത്ത് എന്‍ഐഎ. ഭീകരാക്രമണം ഉണ്ടായ സ്ഥലം അന്വേഷണ സംഘം ഇന്ന് തന്നെ സന്ദര്‍ശിക്കും. പൊലീസ് സൂപ്രണ്ട് റാങ്കിലുള്ള ഉദ്യോഗസ്ഥന്റെ നേതൃത്വത്തിലായിരിക്കും അന്വേഷണം.
ഗന്ദര്‍ബാല്‍ ജില്ലയില്‍ ശ്രീനഗര്‍-ലേ ദേശീയ പാതയില്‍ തുരങ്ക നിര്‍മ്മാണം നടക്കുന്ന സ്ഥലത്തിന് സമീപമുണ്ടായ വെടിവയ്‌പ്പില്‍ ഒരു ഡോക്ടറും ആറ് തൊഴിലാളികളും ഉള്‍പ്പെടെ ഏഴ് പേര്‍ കൊല്ലപ്പെട്ടിരുന്നു. ജോലിക്ക് ശേഷം തിരികെ മടങ്ങുന്നതിനിടെയാണ് ഭീകരര്‍ തൊഴിലാളികള്‍ക്ക് നേരെ വെടിയുതിര്‍ത്തത്.
