പന്ന ടൈഗർ റിസർവിൽ അമ്മ കടുവ നാല് കുഞ്ഞുങ്ങൾക്ക് ജന്മം നൽകി ; വിനോദ സഞ്ചാരികൾക്ക് ഇവയെ കാണാനാകുമെന്ന് ഫീൽഡ് ഡയറക്ടർ

ഇൻഡോർ : മധ്യപ്രദേശിലെ പന്ന ടൈഗർ റിസർവിൽ ഒരു കടുവ നാല് കുഞ്ഞുങ്ങൾക്ക് ജന്മം നൽകി. ഇതോടെ റിസർവിലെ കടുവകളുടെ എണ്ണം 90 ആയി ഉയർന്നതായി ഉദ്യോഗസ്ഥൻ അറിയിച്ചു.

P-141 എന്ന കടുവ കഴിഞ്ഞ ടൂറിസ്റ്റ് സീസണിന്റെ അവസാനമായ ജൂലൈയിൽ ഗർഭിണിയായിരുന്നുവെന്ന് ഫീൽഡ് ഡയറക്ടർ അഞ്ജന സുചിത ടിർക്കി പറഞ്ഞു. തുടർന്ന് രണ്ട് ദിവസം മുമ്പ് നാല് കുഞ്ഞുങ്ങൾക്കൊപ്പം പി 141 എന്ന കടുവയുടെ ചിത്രം ടൈഗർ റിസർവ് ഉദ്യോഗസ്ഥർക്ക് ലഭിച്ചത് സന്തോഷകരമായ കാര്യമാണെന്നും അവർ പറഞ്ഞു.

ഈ സീസണിൽ വിനോദസഞ്ചാരികൾക്ക് കടുവയെയും കുഞ്ഞുങ്ങളെയും കാണാനും ആസ്വദിക്കാനുമാകുമെന്ന് അവർ പറഞ്ഞു.