ബറേലി : ഇസ്ലാം മതം ഉപേക്ഷിച്ച് ഹിന്ദുമതം സ്വീകരിച്ച് മുസ്ലീം യുവതി .ബറേലി സ്വദേശിയായ മുസ്കാൻ എന്ന യുവതിയാണ് സനാതനധർമ്മം സ്വീകരിച്ച് , ഹിന്ദു യുവാവിനെ വിവാഹം കഴിച്ചത് .
നാളുകളായി മുസ്കാൻ സ്വന്തം ഗ്രാമത്തിൽ തന്നെ താമസിക്കുന്ന സുമിത്ത് യാദവ് എന്ന യുവാവുമായി പ്രണയത്തിലായിരുന്നു . എന്നാൽ ഇത് അറിഞ്ഞ മുസ്കാന്റെ ബന്ധുക്കൾ യുവതിയ്‌ക്ക് കൂടുതൽ നിയന്ത്രണങ്ങൾ ഏർപ്പെടുത്തി . എന്നാൽ പ്രണയിച്ച യുവാവിനെ മറക്കാനാകാത്ത മുസ്കാൻ സുമിത്തിനൊപ്പം പോകാൻ തീരുമാനിക്കുകയായിരുന്നു .
സുമിത്തിനൊപ്പം പൂർണ്ണമനസോടെ മുസ്കാൻ പോയതിന് പിന്നാലെ മുസ്കാനെ തട്ടിക്കൊണ്ടുപോയതാണെന്ന് കാട്ടി മുസ്കാന്റെ ബന്ധുക്കൾ പോലീസിൽ പരാതി നൽകി . എന്നാൽ ഇതിനിടെ മുസ്കാൻ ശിവക്ഷേത്രത്തിൽ വച്ച് ഹിന്ദുമതം സ്വീകരിക്കുകയും, സുമിതിന്റെ വിവാഹം കഴിക്കുകയും ചെയ്തു . പിന്നാലെ ആരുടെയും സമ്മർദമില്ലാതെയാണ് താൻ വിവാഹം കഴിച്ചതെന്ന് വ്യക്തമാക്കി വീഡിയോയും പങ്ക് വച്ചു.
മുസ്കാൻ മതം മാറിയ വിവരം അറിഞ്ഞതോടെ ഗ്രാമത്തിലെ മുസ്ലീം സമുദായക്കാർ സുമിത്തിന്റെ വീട് ആക്രമിക്കുകയും , കാർ തല്ലിത്തകർക്കുകയും ചെയ്തു.
