തൃശൂര്: ഓണം സ്പെഷ്യല് ഡ്രൈവിന്റെ ഭാഗമായി തൃശൂരില് നടത്തിയ പരിശോധനയില് ന്യൂ ജനറേഷന് മയക്കുമരുന്നുമായി യുവാവ് പിടിയില്. തൃശൂര് ചൊവ്വൂരില് ആണ് എല്എസ് ഡി സ്റ്റാമ്പും കഞ്ചാവുമായി യുവാവിനെ എക്സൈസ് അറസ്റ്റ് ചെയ്തത്. ചൊവ്വൂര് സ്വദേശിയായ ജിനു ജോസ് (28) ആണ് പിടിയിലായത്. ഇയാളില് നിന്നും 130 മില്ലിഗ്രാം എല്എസ്ഡി സ്റ്റാമ്പും അഞ്ച് ഗ്രാം കഞ്ചാവും പിടിച്ചെടുത്തു.
അതിനിടെ ഇന്ന് കൊല്ലം ജില്ലയിലെ പുനലൂരിൽ എക്സൈസ് കഞ്ചാവുമായി ഒരാളെ പിടികൂടി. 1.412 കിലോഗ്രാം കഞ്ചാവുമായി പുനലൂർ പരവട്ടം സ്വദേശിയായ രാജു (45വയസ്) എന്നയായാണ് എക്സൈസ് സർക്കിൾ ഇൻസ്പെക്ടർ എ. ഷമീർഖാന്റെ നേതൃത്വത്തിൽ നടത്തിയ പരിശോധനയിൽ പിടികൂടിയത്.
